ئێواره‌ی ئه‌مڕۆ پێنجشه‌م له شارۆچكه‌ی كه‌لار كچێكی قوتابی كۆتایی به ژیانی خۆی هێنا.
ئه‌مڕۆ ئێواره لە گەڕەکی بنگرد له شارۆچكه‌ی کەلار کچێک بە ناوی (ا – م – ص) لەدایکبووی ساڵی 2004 كه قوتابییه له پۆلی 12ی ئاماده‌یی لە ماڵه‌كه‌ی خۆیاندا خۆی هەڵواسی و كۆتایی به ژیانی خۆی هێنا.
بە وتەی کەسوکاره‌كه‌ی كچه‌كه هیچ کێشەیەکی نەبووە و نازانن بە چ هۆکارێک خۆی خنکاندووە.
لە ئێستادا لە پزیشکی دادوەری شارۆچكه‌ی کەلار، توێکاری بۆ تەرمەکەی کراوە و بەشی پۆلیسی نەهێشتنی تاوانی گەرمیانیش پەڕاوی لێکۆڵینەوەیان لەسەر ڕووداوەکە کردۆتەوە و دەستان بە لێکۆڵینەوە کردووە لەسەر هۆکاری خۆخنکاندنه‌كه‌ی.