لە سنووری حاجی ئۆمەران 25 تەن دۆشاوی تەماتە گەڕێندرایەوە وڵاتی ئێران
بەهۆی دەرنەچوونی لە تاقیگە، زیاتر لە 25 تەن دۆشاوی تەماتەی قوتوبەند لە دەروازەی نێودەوڵەتی حاجی ئۆمەران گەڕاندرایەوە وڵاتی سەرچاوە.
ڕاگەیاندن و پەیوەندییەکانی
کۆمەڵگای دەروازەی نێودەوڵەتی حاجی ئۆمەران ڕایگەیاند:
ئەمڕۆ سێ شه‌ممه ڕێکەوتی 2022/4/26 یەك باری ئاوی تەماتەی ٨٣٠ گرامی بە بڕی 25 تەن و 80 کیلۆگرام بۆ وڵاتی سەرچاوە گەرێندرایەوە، بەهۆی دەرنەچوونی لە پشکنینی تاقیگەیی له هۆبەی وەرگرتنی نموونەی خۆراک، چونکە لەگەڵ رێنماییەکانی وەزارەتی تەندروستی نەدەگونجا و ڕێگە بە هاوردەکردنی بۆ ناو هەرێمی کوردستان نەدرا.
هەر کاڵایەک و خواردن و خواردنەوەیە لە مەرزی حاجی ئۆمەران ئەگەر لە تاقیگە پشکنینی بۆ کرا و لەگەڵ ڕێنماییەکان نەگونجا، لە لایەن لێژنەی هاوبەشی دەروازەی نێودەوڵەتی حاجی ئۆمەران بە سەرۆکایەتی بنکەی کۆنتڕۆڵی جۆری حاجی ئۆمەران دەگەڕێندرێتەوە وڵاتی سەرچاوە و رێگە بە هاوردەکردنی بۆ ناو هەرێمی کوردستان نادرێت.