وەزیری شارەوانی و گەشتوگوزار و شاندێكی ئەمەریكی نۆژەنكردنەوەی شوێنەوارەكان تاوتوێ دەكەن
ساسان عەونی، وەزیری شارەوانی و گەشتوگوزار پێشوازی لە جاسۆن گالیان، جێگری بەرپرسی کاروباری گشتی له کۆنسوڵخانه‌ی ئه‌مەریکا له هه‌رێمی کوردستان و شاندێكی یاوەری له ڕێکخراوی “ئارچ”ی ئه‌مەریکی بۆ کاروباری شوێنه‌وار و نۆژەنکردنه‌وه كرد.
لە دیدارەكەدا گفتوگۆ لەبارەی پرۆژەكانی نۆژەنكردنەوەی شوێنەوارە دێرینەكان كرا كە لەلایەن كونسوڵخانەی ویلایەتە یەكگرتووەكانی ئەمەریكاوە پشتگیری دەكرێن.
هەروەها هەردوولایەنی وەزارەتی شارەوانی و گەشتوگوزار و شاندی كونسوڵخانەی ئەمەریكا جەختیان لەسەر پەرەپێدانی زیاتری هەماهەنگی و كاركردنی پێكەوەیی لە بواری شوێنەوار و جێبەجێكردنی پرۆژەی شوێنەواری و كولتووری لە هەرێمی كوردستان كردەوە.