بۆ جارێكی دیكە شەڕ و پێكدادان لەنێوان چەكدارانی پەكەكە و سوپای عێراق روویدا
ل شنگالێ هێزێن یەبەشێ و سۆپایێ عیراقێ ل هەڤ نەهاتینە و بەردەوام ب شەر دچن
ل شەڤا بوری ل دەڤەرا سکێنیێ و دەرگەهێ شلۆ ل رۆژئاڤایێ چیيایێ شنگالێ شەرەکێ ب هێز دناڤبەرا سۆپایێ عیراقێ و هێزێن ب سەر یەبەشێ ڤە روودا و د وی شه‌ری تۆپ هاتنه هاڤێتن و ئه‌و زیانێن ب هەردو ئالییان کەفتین نەهاتینە راگەهاندن .
ژێدەرەکێ ئەمنی دیار کر، پشتی شەرێ شەڤا بوری روودایی سۆپایێ عیراقێ شیابوو چەند خالێن هێزێن یەبەشێ ژ وان بگریت ل سکێنیێ و دەرگەهێ شلۆ و ئەم دیبان.
ل سپێده‌هییا ئه‌ڤرۆ شەرەکی ب هێز دناڤبەرا هەردو ئالیان دا ل ناڤا سەنتەرێ ناحیا گرعزێر و کۆمه‌لگەها گرزەرك روودایه و هه‌تا نوكه ئەنجامێن وی شەری دیار نینن.
دوهی دوشەمبی ل دەمژمێر شەشی ئێڤاری ل دۆریانا کۆمه‌لگەها دوگورێ شەر دناڤبەرا هەردو ئالیان دا روودا و ژ ئەنجامێ وی شەری هژمارا برینداران گەهشتنە پێنچ کەسان و دو کەس ژ ناڤ هێزێن ئاسایشا ئێزدخانێ و کەسەك دناڤ سۆپایێ عیراقێ و کچەكا د ژییێ 19 سالییێ دا و زەلامەکی د ژییێ 40 سالییێ دا ژ خەلکێ سڤیل دناڤ شەرێ هەردو ئالیان دا برینداربوون.