گوتەبێژی فەرماندەی هێزە چەکدارەکانی عێراق ڕایگەیاند، مەفرەزەکانی ئاسایشی نیشتمانی لە پارێزگای کەرکووک 5 تیرۆریستیان دەستگیر کردووە.
لیوا یەحیا ڕەسوول گوتەبێژی فەرماندەی هێزە چەکدارەکانی عێراق ڕایگەیاند: دوای وەرگرتنی ڕەزامەندی دادوەر ئەمڕۆ یەکشەممە 5 تیرۆریستی داعش لە ناوچە جیاجیاکانی پارێزگای کەرکووک دەستگیر کران.
ڕاشیگەیاند: ئەو تیرۆریستانە سەر بە پاشماوەکانی تیرۆریستانی داعش بوونە و لە دیوانی جوند کاریان کردووە.
ئاماژەی بەوەش داوە کە تۆمەتباران دانیان بە تاوانەکەیاندا ناوە و دانپێدانانەکانیشیان تۆمار کراوە و ڕادەستی دادگە کراون بۆ وەرگرتنی سزاکانیان.