بەڕێوەبەرایەتی پۆلیسی ڕاپەڕین بڵاویكردۆتەوە كە لەدوای وەرگرتنی زانیاری و بەدواداچونی ووردی هێزەكانمان لە بنكەی پۆلیسی ماكۆك لە ناحیەی حاجیاوا بەرواری 2022/4/16 كاتژمێر 4ی بەیانی توانرا دووكەس بە ناوەكانی (ش، ع، س) لە دایكبووی ساڵی 1988 و هەروەها ( ف، س، ت) لە دایكبووی ساڵی 1980 لەكاتی دزیكردندا لە ناو هوڵی مەڕ و ماڵات لە ناحیەی حاجیاوا دەستگیربكرێن كە خەریكی دزینی ئالیك و گەنم و حەلەفی خاوەن ئاژەڵیك بوون، هەروەها دەستگیرا بەسەر ئوتۆمبیلی بەكارهاتوو لە تاوانەكەدا.
پۆلیسی ڕاپەڕین روونیشیكردۆتەوە كە دوای لێكۆڵینەوە لەگەڵیاندا لەبەردەم دادوەر و پۆلیسدا تومەتبارانی ناوبراو دانیان نا بەو تاوانەدا و هەروەها جەندین تاوانی تر كە لەكاتی جیا جیادا لە ڕابردوو لە هەمان شوێنی ئاماژەپێكراو ئەنجامیانداوە.
بەڕێوەبەرایەتی پۆلیسی ڕاپەڕین دەشڵێت: دادوەر بڕیاریدا بە ڕاگرتنی تۆمەتباران بە بەپێی ماددەی 443 و لیكۆڵینەوە لەگەڵیان بەردەوامە.
