لە سلێمانی بوومەلەرزەیەک روویدا
بەرەبەیانی ئەمڕۆ، بوومەلەرزەیەک بە گوڕی 2.9 پلەی رێکختەر، بە دووری 19 کیلۆمەتر لە باشوری رۆژهەڵاتی سلێمانی روویدا.
بەگوێرەی ئەو زانیارییانەی ماڵپەرە جیهانییەکانی کەشناسی و بوومەلەرزەزانی بڵاویانکردوەتەوە، بوومەلەرزەکە کاتژمێر 6:19 خولەک لە نزیک ناحیەی عەربەتی سەر بە پارێزگای سلێمانی و بە دووری 19 کیلۆمەتر لە باشووری رۆژهەڵاتی شارەکە، بە قوڵی 11 کیلۆمەتر روویدا.
تائێستا بەڕێوەبەرایەتی کەشناسی و بوومەلەرزەزانی پارێزگای سلێمانی، وردەکاری زانیارییەکانی لەبارەی هێزی بوومەلەزرەکە و زیانەکانی بڵاونەکردووەتەوە.