بڕیاردرا كە نرخی (یەك كیلۆ وات. كاتژمێر) كارەبا لە پڕۆژەكانی نیشتەجێبوون نابێت لە (365) دینار زیاتر وەربگیرێت.
لەسەر فەرمانی ئومێد خۆشناو،پارێزگاری هەولێر، لیژنەی دیاریكردنی نرخی خزمەتگوزاری پڕۆژەكانی نیستەجێبوونی هەولێر، بڕیاریدا نرخی (یەك كیلۆ وات. كاتژمێر) كارەبا لە پڕۆژەكانی نیشتەجێبوون نابێت لە (365) دینار زیاتر وەربگیرێت.
هەرخاوەن مولیدەیەك و لایەنێك لە پڕۆژەكانی نیشتەجێبوونی هەولێر سەرپێچی لەو نرخە بكات و بە گرانتر كارەبا بدات بەهاوڵاتییان، ڕووبەڕووی ڕێكاری یاسایی و سزایی پێبژاردن دەبێتەوە.
