زیاتر لە 60 هەزار سەرپێچی لەسەر تۆڕەکانی کارەبا دەستنیشان کراوە

وەزارەتی کارەبای حکومەتی هەرێمی کوردستان ئاشکرای دەکات، بەهۆی پێوەری زیرەک، توانراوە 60 هەزار 682 سەرپێچی لەسەر تۆڕەکانی کارەبا دەستنیشان بکرێت.

وەزارەتی کارەبا بڵاویکردەوە: “پێوەری زیرەکی کارەبا تا ئێستا توانیویەتی (60،682) سەرپێچی لەسەر تۆڕەکانی کارەبا لەسەر ئاستی هەرێمی کوردستان دەستنیشان بکات”.

وەزارەتی کارەبا سەرپێچییەکانی لەسەر خشتەیەک دیار کردووە و ئاماژەی بەوەداوە “هێڵە سوورەکان ناو و شوێنی سەرپێچی لەسەر تۆڕەکانی کارەبا لە سەنتەری شاری هەولێر پیشان دەدات و تیمەکانی کارەبا بۆ لابردنی سەرپێچییەکان، راستەوخۆ دەچنە شوێنی سەرپێچییەکان”.

روونیکردووەتەوە، ژمارەی سەرپێچییەکانی سەر خزمەتگوزاریی کارەبا لەسەر ئاستی پارێزگا و ئیدارە سەربەخۆکان کە رێگەی پێوەری زیرەکەوە دەستنیشان کراون، بەمشێوەیە:

هەولێر  15،885 سەرپێچی

سلێمانی  20،676 سەرپێچی

دهۆک  17،553 سەرپێچی

هەڵەبجە  1،849 سەرپێچی

گەرمیان  4،718 سەرپێچی