لە زاخۆ ئافرەتێک بووە قوربانی دەستی براکەی
پۆلیسى زاخۆ رایگەیاند، ژنێکى ٣٠ ساڵان کە خاوەنى چوار منداڵە بەدەستى براکەى بەسەختى بریندارکراوە و دواتر لەنەخۆشخانە گیانى لەدەستداوە.
بەپێی راگەیەنراوێکى پۆلیس، رووداوەکە کاتژمێر ٥:٣٠ ى ئێوارە روویداوە، ژنێکى ٣٠ ساڵان بەناوى ( ع .م. ا ) بە دەمانچە لەلایەن برایەکییەوە لەگەڕەکى کارێز لە زاخۆ بریندارکراوە.
ئاماژەى بەوەشکردووە، ژنەکە بەپەلە بۆ نەخۆشخانە گوێزراوەتەوە و دواتر گیانى لەدەستداوە و براکەشى دەستگیرکراوە.