بڕیارە ئەمڕۆ چوارشەممە 9-2-2022، لێژنەی شارەوانی لە پەرلەمانی کوردستان بۆ ئامادەکردنی راپۆرتێک لەبارەی پرۆژەیاساکە، لەگەڵ ژمارەیەک وەبەرهێنەری بواری گەشتوگوزار، کۆ دەبێتەوە.
پرۆژەیاسای گەشتوگوزار خوێندنەوەی یەکەمی بۆ کراوە و لە کۆبوونەوەیەی ئەمڕۆی لێژنەی شارەوانی و ژمارەیەک وەبەرهێنەری گەشتوگوزاری، ئامادەکاری بۆ ئامادەکردنی راپۆرت بۆ خوێندنەوەی دووەمی پرۆژەیاساکە کە لە 21 ماددە پێک دێت، دەکرێت.
لێژنەی شارەوانی بەردەوامە لە وەرگرتنی راوبۆچوونی وەزارەتی شارەوانی و گەشتوگوزار و لایەنە پەیوەندیدارەکان بە گەشتوگوزار بۆ ئەوەی پێشنیازی وەزارەت و ئەو لایەنانە لە راپۆرتەکەیدا جێگیر بکات.
پەرەپێدان بە کەرتی گەشتوگوزار یەکێک بوو لە بەرنامەکانی کابینەی نۆیەمی حکوومەتی هەرێمی کوردستان بە ئامانجی ئەوەی گەشتوگوزار ببێتە سەرچاوەیەکی داهات بۆ هەرێمی کوردستان.