وەزارەتی ئەوقاف بە مەرج و ڕێنمایی نوێوە ڕێگە بە دانانەوەی پرسە دەدات
وەزارەتی ئەوقاف و کاروباری ئایینی حکوومەتی هەرێمی کوردستان مەرج و رێنوێنییە تازەكانی كردنەوەی پرسە ئاشكرا دەكات.
نه‌به‌زئیسماعیل، گوته‌بێژی وه‌زاره‌تی ئه‌وقاف و کاروباری ئایینیی حکوومه‌تی هه‌رێمی کوردستان رایگەیاند: “بە مەرج و رێنوێنیی تازە پرسە دانان دەكرێتەوە”.
ئاماژەی بەوەش دا سبەی سێشەممە لە نێو باڵەخانەی وەزارەتی ئەوقاف وکاروباری ئایینی لە کۆنگرەیەکی رۆژنامەوانی بۆ بڵاوکردنەوەی وردەکاریی مەرج و رێنوێنییە تازەکانی کردنەوەی پرسە لە شارەکانی ھەرێمی کوردستان دەخرێتە ڕوو.
نه‌به‌ز ئیسماعیل گوتیشی: “ماوەی دوو ساڵ زیاترە بەهۆی بڵاوبوونەوەی ڤایرۆسی كۆڕۆنا پرسەدانان قەدەغە كراوە”.