پەروەدەی سلێمانی لەبارەی تاقیکردنەوەکانەوە بڕیارێکیدا

پەروەدەی گشتی سلێمانی بڕیاریدا تاقیکردنەوەکانی کۆتایی وەرزی یەکەم لە سەرجەم ناوەندەکانی خوێندنی پارێزگای سلێمانی رابگیرێت.

بەڕێوەبەرایەتی گشتی پەروەردەی سلێمانی رایگەیاند، لەبەر دابەزینی پلەی گەرمی و بەستەڵەک و سەرما وە بۆ پاراستنی گیانی قوتابیان و خوێندکاران بڕیاردرا بە راگرتنی تاقیکردنەوەکانی کۆتایی وەرزی یەکەم لە ڕۆژانی سێ شەممە و چوار شەممە و پێنج شەممە بەرواری 18 و 19 و 20ـی کانوونی دووەمی  2022 لە گشت ناوەندەکانی خوێندن بە حکومی و ناحکومییەوە .

لە راگەیەندراوەکەشدا ئاماژە بەوە دراوە، تاقیکردنەوەکان دەچێتە (2022/1/25) بە پێی خشتەیەکی تایبەت کە لە لایەن کارگێڕی قوتابخانەکانەوە دیاری دەکرێت.