پەروەردەی هەولێر ڕایگەیاند بەهۆی لافاوەوە دەوام لە بەشێک لە ناوەندەکانی خوێندن لە پارێزگای هەولێر ڕادەگیرێت.
بەڕێوەبەرایەتی گشتیی پەروەردەی هەولێر ئەمڕۆ هەینی ڕایگەیاند: بە مەبەستی پاراستنی ژیانی قوتابیان و مامۆستایان لەهەر ئەگەرێکی نەخوازراو و بەتایبەتی ئەم شوێنانەی ڕۆژی هەینی بەر شەپۆڵی لافاو کەوتن کە بەداخەوە زەرەری گیانی و ماددی زۆری گەیاند، بڕیارێک درا.
لە ڕاگەیانراوەکەدا ئەوە هاتووە کە “ڕۆژی شەممە لە سەرجەم قوتابخانەکانی هەریەکە لە پەروەردەکانی (ناوەندی هەولێر، دەشتی هەولێر، دەورووبەری هەولێر، کۆیە، مەخموور) دەوامی قوتابخانەکان بوەستێنرێت.”