پرۆژەیەکی نوێی کارەبا دەچێتە بواری جێبەجێکردنەوە
وەزارەتی كارەبای حكوومەتی هەرێمی كوردستان، پرۆژەی دانانی وێستگەی مۆبایلی گواستنەوەی کارەبا لە شیلادزێ جێبەجێ دەکات.
وێستگەکە بە بەهای زیاتر لە ملیارێک دینار لەسەر بودجەی پارێزگای دهۆک دابین کراوە و زیاتر لە 500 ملیۆن دیناریش لەسەر داهاتی بودجەی وەزارەتی کارەبا بۆ دامەزراندنی وێستگەکە و راکێشانی هێڵی کارەبای 33 کەی ڤی تەرخان کراوە.
وێستگەکە ئێوارەی دوێنێ گەیشتە شیلادزێ و پڕۆژەکەشی لەلایەن کۆمپانیای ئەدما جێبەجێ دەکرێت و بەتەواوبوونی، دۆخی کارەبای ناحیەی شیلادزێ باشتر دەبێت.