بڕیارە سبەی یەکشەممە، 26ـی کانوونی دووەمی 2025، هاکان فیدان، وەزیری دەرەوەی تورکیا بەسەردانێکی فەرمی بگاتە بەغدا.
بەگوێرەی زانیارییەکانی پەیامنێری کوردستان24، سەردانەکەی هاکان فیدان، کۆمەڵێک تەوەر لە خۆ دەگرێت، لەوانە پێداچوونەوە بە پەیوەندی و ڕێککەوتنەکانی نێوان بەغدا و ئەنقەرە و توندوتۆڵکردنی سنوورەکانی نێوان هەردوو وڵات.
لە نیسانی 2024، هاکان فیدان لەگەڵ ڕەجەب تەیب ئەردۆغان سەرۆک کۆماری تورکیا سەردانی بەغدا و پاشان هەولێریان کرد و 27 یاداشتی لێکگەیشتنیان لە بوارە جیاجیاکاندا لەگەڵ بەغدا ئیمزا کرد، کە گرنگترینیان ڕێککەوتنی ئاو بوو.