ئەمریکا: هەڕەشەکان لەسەر ئاسایش و سەقامگیریی عێراق بەردەوامن.
باڵیۆزی ئەمریکا لە عێراق پێیوایە، هێشتا مەترسی و هەڕەشەکان لەسەر ئاسایش و سەروەری عێراق بەردەوامن.
ئەلینا ڕۆمانۆوسکی، باڵیۆزی ئەمریکا لە بەغدا بەبۆنەی ڕۆژی جیهانیی ئاشتی لە تۆڕی کۆمەڵایەتی ئێکس نووسیویەتی “هەڕەشەکان لەسەر ئاسایش و سەروەری عێراق بەردەوامن”.
هەروەها نووسیویەتی “ئەمریکا پابەندە بە کارکردن لەگەڵ هاوبەشەکانی لە حکوومەتی عێراق و ڕێکخراوەکانی کۆمەڵگەی مەدەنی عێراق، بۆ بەرەوپێشبردنی عێراقێکی ئاشتیخواز و ئاوەدان بۆ نەوەکانی داهاتوو.
لە چەند ڕۆژی ڕابردوودا، سەرۆکوەزیرانی عێراق ڕایگەیاندبوو، هێزەکانی عێراق توانای ڕووبەڕووبوونەوەی تیرۆریان هەیە و عێراقی ئێستا هەمان عێراقی ساڵی 2014 نییە، هەربۆیەش چیدیکە پێویستیان بە هێزەکانی هاوپەیمانان نییە.