خۆپیشاندانی فه‌رمانبه‌رانی پاشكۆی په‌روه‌رده‌ی دیوانیه كه داوای ده‌ركردنی نووسراوی خه‌رجكردنی پاره‌یه‌كی تایبه‌ت ده‌كه‌ن، توندوتیژی لێ ده‌كه‌وێته‌وه.
ڕۆژی پێنجشه‌ممه، 1ـی ئابی 2024، فه‌رمانبه‌رانی پاشكۆی په‌روه‌رده‌ی دیوانیه خۆپیشاندانیان كرد و داوای ده‌ركردنی نووسراوی خه‌رجكردنی پاره‌یه‌كی تایبه‌ت ده‌كه‌ن و داوایان له به‌پرسانی په‌روه‌رده‌ی شاره‌كه كرد، گوێ له داواكارییه‌كه‌یان بگرن.
خۆپیشاندانه‌كه توندوتیژی لێ كه‌وته‌وه و خۆپیشانده‌ران له به‌رده‌م باڵه‌خانه‌ی پارێزگای شاره‌كه ده‌نگی داواكارییه‌كانیان به‌رز كرده‌وه و چه‌ندان تایه‌ی ئۆتۆمبیلیان سووتاند و ڕێگه سه‌ره‌كییه‌كانی ناوچه‌كه‌یان داخست.
ڕۆژی دووشەممە، 15ـی ته‌ممووزی 2024، خەڵکی ناحیەی شافعییە لە دیوانیە وەک ناڕەزایەتیی بەرانبەر بە تێکچوونی خزمەتگوزاری، کارەبا و ئاو خۆپیشاندانیان ڕێک خست و تایەی ئۆتۆمبێلیان سووتاند.
خۆپیشاندەرانی ئەو ناحیەیە هاوکات بوو لەگەڵ خۆپیشاندانی خەڵکی ناحیەی شامیە لە دیوانیە، درێژکراوەی خۆپیشاندانی ناحیەی حەیدەریەی نەجەف و ناحیەی غامس لە نێوان دیوانیە و نەجەف بوو، کە بەهۆیەوە خۆپیشاندەران لەلایەن هێزە ئەمنییەکانەوە بە گوللـە بریندار بوون.
خەڵکی قەزاکانی دیوانیە و نەجەف حکوومەتی فیدراڵی و وەزارەتی کارەبا و کۆمپانیاکانی دابەشکردنی کارەبا تۆمەتبار دەکەن بە “نادادپەروەری” لە دابەشکردن و پێدانی کارەبا.