وەزارەتی گواستنەوەی عێراق ئاشکرایکرد، لە دوو مانگی رابردوودا 31 هەزار فڕۆکە بە ئاسمانی عێراقدا هاتووچۆیان کردووە.
بە گوێرەی بەیاننامەیەکی وەزارەتی گواستنەوە و گەیاندنی عێراق، لە هەردوو مانگی ئایار و حوزەیران ژمارەیەکی بەرچاوی فڕۆکە بە ئاسمانی عێراقدا هاتووچۆیان کردووە.
عەباس سەبار ئەلبەیدانی، بەڕێوەبەری گشتی کۆمپانیای گشتی بۆ خزمەتگوزارییەکانی کەشتیوانی ئاسمانی لەلای خۆیەوە ئاماژەی بەوەدا، لە مانگی ئایار 14 هەزار و 894 فڕۆکە و لە مانگی حوزەیرانیش 16 هەزار و 340 فڕۆکە بە ئاسمانی عێراقدا هاتووچۆیان کردووە.