سەرۆکی لیژنەی دارایی پەرلەمانی عێراق رایگەیاند، بۆ گفتوگۆکردن لەسەر بودجە لەگەڵ سێ وەزیر کۆدەبنەوە.
عەتوان عەتوانی سەرۆکی لیژنەی دارایی پەرلەمانی عێراق، بە ئاژانسی هەواڵی عێراقی راگەیاند، بە مەبەستی هەڵسەنگاندن و گفتوگۆ لەبارەی پشکی وەزارەتەکانیان لە پڕۆژەیاسای بودجەی عێراق، لەگەڵ وەزیرانی تەندروستی، بەرگری و کارەبا کۆدەبنەوە.
هاوکات، تەیف سامی وەزیری دارایی عێراق رایگەیاندووە، ئەگەر ئەوە هەیە بەشێک لە بەندەکانی بودجەی دووساڵی داهاتووی عێراق دەستکاری بکرێت.
ئەمە لە کاتێکدایە، شاخەوان عەبدوڵڵا جێگری سەرۆکی پەرلەمانی عێراق لە راگەیەندراوێکدا ئاشکرایکرد، ئەم هەفتەیە پڕۆژەیاسای بودجەی عێراق لە پەرلەمان تێدەپەڕێندرێت.
پێشتر ئیخلاس دلێمی، جێگری دووه‌می لیژنه‌ی دارایی لە لێدوانێکی رۆژنامەوانیدا رایگەیاندبوو، گفتوگۆكانی پرۆژه‌یاسای بودجه به میوانداریكردنی وه‌زاره‌ت و دامه‌زراوه‌كان قۆناغی باشی بڕیوه و پشكی هه‌رێمی کوردستان و په‌ره‌پێدانی پارێزگاكانیش زیادكراوە.