بەهۆی خراپی کەشوهەواوە فڕۆکەخانەی نەجەف گەشتەکانی راگرت.
نووسینگەی بەڕێوبردنی فڕۆکەخانەی نەجەف بڵاویکردەوە، بەهۆی نالەباری کەشوهەوا و کەمبوونەوەی مەودای بینین، بەهۆی تەمومژەوە گەشتە ئاسمانییەکان بۆ ماوەیەکی کاتی راگرت.
فڕۆکەخانەی نەجەف راشیگەیاند، گەشتکردن لە کەشوهەوای ئێستادا مەترسیدارە، هەر بۆیە گەشتەکانیان تا رەوینەوەی تەمومژ و ئاساییبوونەوەی دۆخەکە رادەگرن.
ئەمە لەکاتێکدایە، دوێنێ ( 4ی کانوونی یەکەمی 2022) فڕۆکەخانەکانی هەولێر و بەغدا بەهۆی تەمومژەوە گەشتەکانیان بۆ ماوەیەکی کاتی راگرت.
چەند رۆژێکە تەمومژ ناوچەکانی هەرێمی کوردستان و عێراقی گرتووەتەوە و ئاستەنگی بۆ گەشتە ئاسمانییەکان و هاتووچۆ دروستکردووە.