ده‌زگای ئاسایشی نیشتمانی عێراق ئه‌مڕۆ هه‌ینی ده‌ستگیركردنی 15 تیرۆریستی داعشی له چه‌ند پارێزگایه‌كی وڵات ڕاگه‌یاند.
ده‌زگای ئاسایی نیشتمانی عێراق ئه‌مڕۆ هه‌ینی له به‌یاننامه‌یه‌كدا بڵاوی كرده‌وه: به پشتبه‌ستن به زانیارییه هه‌واڵگرییه‌كان و دوای وه‌رگرتنی ڕه‌زامه‌ندی دادوه‌ر، له چه‌ند ئۆپه‌ڕاسیۆنێكی هێزه ئه‌منییه‌كانی عێراق توانرا 15 تیرۆریستی ڕێكخراوی تیرۆریستی داعش ده‌ستگیر بكرێ.
ڕاشیگه‌یاند: تیرۆریسته‌كان به‌پێی مادده‌ی 4ی تیرۆر له هه‌ریه‌ك له پارێزگاكانی كه‌ركووك، نه‌ینه‌وا، دیاله، ئه‌نباڕ و سه‌ڵاحه‌دین و واسیت ده‌ستگیركراون.
ده‌زگای ئاسایی نیشتمانی ئاماژه‌ی به‌وه‌ش دا كه لێكۆڵینه‌وه‌ی پێویست له‌گه‌ڵ سه‌رجه‌م ده‌ستگیركراوه‌كان ئه‌نجامدراون و په‌ڕاوی لێكۆلینه‌وه‌كانیش ڕه‌وانه‌ی لایه‌نی په‌یوه‌ندار كراون بۆ گرتنه‌به‌ری ڕێوشوێنی پێویست به‌رامبه‌ریان.