شیڤان شێرزاد – هەولێر
کورتە فیلمی “دەریای هیوا”، کە لە دەرهێنانی جوبرائیل ئەبوبەکرە، ئەمجارەیان بەشدارە لە فێستیڤاڵی نێودەوڵەتی باشترین بەرهەمەکانی وڵاتانی عەرەبی کە لە وڵاتی میسر بەڕێوەدەچێت.
جوبرائیل ئەبوبەکر، بە “هەولێر”ـی ڕاگەیاند: لە فێستیڤاڵی فیلمی سینەمای نوێی میسر، لەنێو ٢٢٦٧ فیلم ١١٠ فیلم وەرگیرا و تەنیا 3 فیلم کاندیدە بۆ بردنەوەی خەڵات لەم فێستیڤاڵەدا.
“جوبرائیل ئەبوبەکر” بۆ “هەولێر” دەشڵێت: “دەریای هیوا” کورتە فیلمێکە، کە پەردە لەسەر زیانە وێرانکەرەکانی مرۆیی شەڕ لە چاوی ئەو مەدەنییانەی کە لە دوای جەنگەوە گیریان خواردووە، ئاشکرا دەکات. فیلمەکە بە گرنگیدان بە شوێنەواری سۆزداری و جەستەیی ئاوارەبوونی زۆرەملێ، شوێنپێی گەشتەکانی تاکەکان دەگرێتەوە کە ناچارن لە ماڵەکانیان هەڵبێن، هەموو شتێک دەخاتە مەترسییەوە کاتێک بە ڕێگاکانی مەترسیدار دا دەڕۆن کە مردن و خنکان لە هەموو وەرچەرخانێکدا دەڕوانن لە گەڕانێکی بێهیوادا بۆ سەلامەتی و ژیانێکی به کەرامەت.
جێگەی ئاماژەیە کورتە فیلمی “دەریای هیوا” بەشداری چەندان فێستیڤاڵی فیلمی ناوخۆیی و دەرەوەی کوردستانی کردووە و پێشبرکێی بەدەستهێنانی خەڵاتی کردووە و چەندان خەڵاتی بەدەستهێناوە.