هونەرمەندی میللی “کەریم گوڵانی” لە پرسیاری ئەوەی بۆچی بە گرنگی دەزانیت، کە بەشداری لەم هەڵبژاردنە بکەیت، کە کورد ئەمجارە پێویستە زۆرترین دەنگ بەدەست بێنێت، لە وەڵامدا دەڵێت: بە بڕوای من مادام كوردستان هێشتا بەشێكە لە عێراق و بەپێی یاسا و دەستوور گرێدراوی ئەو وڵاتەیە، پێمباشە هاووڵاتییان بە شێوەیەكی بەرفراوان بەشداریی دەنگدان بكەن و پرۆسەكە بە گەرموگوڕی بەڕێوەبچێت، چوونكە دیارە تا ئێستا زۆر كاروباری هەرێمی كوردستان لە بەغداوە بڕیاری لەسەر دەدرێت، وەك بودجە و مووچەی فەرمانبەران، ئەمەش پێویستی بە كاركردنی زۆری نوێنەرانی كورد هەیە، بۆ ئەوەی داكۆكیی و بەرگری لە مافەكانی خەڵكی كوردستان بكەن، تاكوو لە ڕێگای ئەو داكۆكیی و بەرگریكردنەی نوێنەرانمان هاووڵاتییانی كوردستانیش لە مەینەتی و قەیرانی ئابووری ڕزگاریان بێت و بۆ ئەوەی لە ژیانێكی سەربەرزانە و ئاسوودەدا بژین، دەبێت دەنگ بە لیستی ٢٧٥ـی پارتی دیموکراتی کوردستان بدەین.
من وەكوو هونەرمەندێك هەمیشە ئاواتم ئەوەیە، كە خەڵكی كوردستان لە خۆشگوزەرانی و كامەرانی و خۆشیدا بژین و دوور بن لە بەڵا و مەینەتییەكانی شەڕ و ناكۆكی و ئاژاوە.
کەریم گوڵانی:”بۆ ئەوەی لە ژیانێكی سەربەرزانە و ئاسوودە دا بژین دەبێت دەنگ بە لیستی ٢٧٥ بدەین”
