فێستیڤاڵی سینەمای چەمچەماڵ، کە تایبەتە بە فیلمی تایبەت بە جینۆساید و ئەو بەرهەمانە لەخۆ دەگرێت، کە تایبەتن بە کارەساتە مێژووییەکانی گەلی کورد و قوربانیدانی ئەو نەتەوەیە لە پێناو ئازادی ناسنامەی گەلەکەی، بۆیە دەستەی ڕێکخەرانی فێستیڤاڵەکە لە یەکەم ڕاگەیێندراویان دەربارەی بەڕێوەچوونی فێستیفاڵەکە کۆپیەکیان گەیاندە بەشی هونەری “هەولێر”، کە ئەمەش مەرجەکانیانە بۆ وەرگرتنی فیلم و ئەو بەرهەمانەی دەستنیشان دەکرێن بۆ بەشداریکردن لە خولی پێنجەمی فێستیڤاڵی سینەمایی چەمچەماڵ.
“پێشنیار و مەرجی لێژنەی بینین و هەڵسەنگاندنی پێنجەمین فیستیڤاڵی فیلمی جینۆساید لە چەمچەماڵ” ڕایدەگەیەنێت هەر هونەرمەند و دەرهێنەرێک لە ناوخۆ کوردستان و لە دەرەوەی کوردستان فیلمی تایبەتی هەیە دەربارەی جینۆساید دەتوانێت لەڕێگەی ئەم ئیمێڵەوە فیلمەکانیان بنێرن.
(Chamchamal.cultures@gmail.com)
بەم مەرجانەی خوارەوە:
• پێویستە فیلمەکان بەرهەمی ساڵی ٢٠٢٠ تا ئێستا بێت.
• پێویستە ماوەی کورتەفیلمەکە لە ٢٠ خولەک زیاتر نەبێت.
• پێویستە چیرۆکی فیلمەکان لە چوارچێوەی جینۆسایددا بن لە کوردستان و وڵاتانی دیکە.
• پێویستە لینکی فیلمەکە بە گۆگڵ‌درایڤ ڕەوانە بکرێت، لەگەڵ کۆدی کردنەوەی فیلمەکە بە ژێرنوسی عەرەبی یاخود ئینگلیزی فیلمە بیانیەکانیش بە ژێرنوسی ئینگلیزی.
• پێویستە فایلێکی (pdf)ی لەگەڵ هاوپێچ بکرێت هەندێک زانیاریی دەربارەی بایۆگرافی دەرهێنەر، سینۆپسی فیلم، وردەکاری کاست و ستافی فیلم و ژمارە مۆبایل و ئیمەیلی دەرهێنەر و پرۆدیوسەر، تیادا بێت.
• پێویستە وێنەی پۆرترەیتی دەرهێنەر و پۆستەری فیلم ڕەوانە بکرێت.
• پێویستە چوار وێنەی باکستەیجی فیلم و چوار وێنەی نێو فیلمەکە و پۆستەری فیلم و ترەیلەری فیلم ڕەوانە بکرێت.
بەشەکان
٭ فیوچەر فیلمی کوردی
٭ فیلمی بڵندی کوردی
٭ کورتەفیلمی دۆکۆمێنتەری
٭ فیلمی بڵندی دۆکۆمێنتەری
٭ فیلمی جینۆسایدی قوتابی
٭ فیلمی کلاسیکاڵ بە مەرجێک لە پێش ساڵی 2000 بەرهەم هێنرابێت.
٭ فیلمی (کۆرنەر؛ پەراوێز) لە دەرەوەی پێشبڕکێ تەنها نمایش دەکرێت، بۆ هەموو فیلمێک دەبێ ئەو فیلمانەی پێش ٢٠٢٠ بەرهەم هاتوون یان ئەو فیلمانەشی پاش ٢٠٢٠ بەرهەم هاتوون و دوا وادەش بۆ وەرگرتنی فیلمەکان 6/4/2025 دەبێت.
شیڤان شێرزاد – هەولێر