د. سالار عوسمان، بریكاری وەزارەتی ڕۆشنبیری و لاوان لە دیوانی وەزارەت پێشوازی لە شاندێکی شانۆکارانی ئوردن کرد، کە بە مەبەستی بەشداریکردن لە حەوتەمین فێستیڤاڵی نێودەوڵەتی شانۆی هەولێر، سەردانی هەرێمی کوردستانیان کردووە.
شاندەکە پێکهاتبوون لە “د. فراس خالد ئەلیەموونی” سەرۆکی بەشی هونەر لە زانکۆی “عەمان” و ژمارەیەک لە ئەندامانی تیپی شانۆی “گقوس المسرحیە”ـی ئوردنی.
لە دیدارێکدا، هەردوولا بیروڕایان لە بارەی پتەوترکردنی پەیوەندی نێوان هونەرمەندان و شانۆکارانی هەرێمی کوردستان و ئوردن کرد و جەختیان لەسەر بەشداری زیاتری هونەرمەندان لە پێشخستنی پەیوەندییە کولتووری، هونەری و ڕۆشنبیرییەکانی نێوان هەرێمی کوردستان و ئوردن کردەوە.