ھونەر نانی نادەتە مە

رێکێش شەهباز: من ب دیکۆمێنتاریێ #٧٣ کو ل سەر کارەساتا شنگالێ یە، چەندین خەلات نێڤدەولەتی وەرگرتینە

رێکێش شەھباز، ئەکتەر و دەرھێنەرێ باژارێ دھۆکێ کو شیایە تا نووکە پشکداری د چەندین فلمێن سینەمایی دا بکەت وەکو ئەکتەر و د ھەمان دەمی دا شیایە وەکو دەرھێنەرییا چەندین دیکۆمێنتاریان بکەن و ناڤدارترین فلمێ وی یێ دیکۆمێنتاریێ ب ناڤێ #٧٣ بۆ و خودانێ چەندین خەلاتێن نافخۆ و نێڤدەولەتی یە، ئو ئەو دبێژیت لێ ئەم نەگە ھشتینە وی ئاستی رێزێ ل ھونەر و ھونەرمەندێن خوە بگرین.

رێکێش شەھباز ئاماژە ب وێ چەندێ ددەت کو ل دەستپێکێ وەکو سەماکار وی د تیپا دھۆک یا ھونەرێ مللی دا کارکریە و پاشان دبیتە قوتابی ل پشکا شانۆیێ ل پەیمانگەھا ھونەرێن جوان ل دھۆکێ وەکو شانۆڤان کارکریە، ئو ئێکەم فلمێ درێش یێ سینەمایی وی پشکداری تێداکری فلمێ ب ناڤێ، ئو نێزگز چرمسین بۆ ل سالا ٢٠٠٣ێ ھاتبوو درۆستکرن.

رێکێش دبێژیت: وی گەلەک دیکۆمێنتاریێن ب ناڤێن، گەریانەک ل بازارێ دھۆکێ، بەلێ ئەمژی دشێن، ئاوازێن ئاخێ و دیکۆمێنتاریێ ب ناڤێ #٧٣ێ د دەمێ کارەساتا شنگالێ دا ھاتە درۆستکرن ل سەر کەسەکی بۆ کو د چۆ چیایێ شنگالێ کو دەیک و بابێن خوە رزگار بکەت و وی فلمی شیا چەندین خەلاتێن نێڤدەولەتی بدەستخوەڤە بینیت.

سینەماکار و دەرھێنەر رێکێش شەھباز وێ چەندێ ژی ئاشکرا دکەت، بۆ نمونە دەمێ ئەم ستافێ فلمێ، رەشەبا د فەستیڤالا پۆسان ل کوریا باشۆر د پشکدار و ب ئامادەبوونا پێنجهزار کەسان، ئو ل وان دەمان گەلەک کەسێن ئامادەبووی ل ھیڤیا ئیمزایەکا مەبوون و گەلەک رێز ل مە دگریت و ب راستی من و حسێن حەسەنی ھەردووکا گەلەک کریە گریی، ژ بەرکوو ل وەلاتێ مە ئەو رێز ل ھونەر و ھونەرمەندان ناھێتە گرتن و بیانی پتر رێزێ ل مە دگرن.

ل دوماھیێ رێکێشی گۆتژی: سینەما ل دەف وەلاتێن مینا، مسرێ و ئیرانێ پێشەزایە و فلمتن چێ دکەن، دبەنە سینەما و خەلک دھێتە پێش و پارەیی پێ وەردگرن دا بشێن فلمەکێ دی پێ چێبکەن، لێ ل وەلاتێ مە ل شینا سالێ ١٠ فلم بھێنە درۆستکرن و نە شەرتە توو د دوو سێ فلمان دا پشکدار نابی، ئانکو ھونەر نانی نادەتە مە، لێ گرنگە دراما و سینەما کوردی باش بھێتە درۆستکرن و ئاڤاکرن و کەلتوورکرنا سینەمایی دناڤ مەدا درۆست ببیت و ئەڤ کارە نەراوەستیت.