ئەرشەد زاخۆیی دێ ٢٠ سترانێن خوە یێن کەڤن، نوو کەتەڤە
ھونەرمەند ئەرشەد زاخۆیی خودانێ ٣٨ ئەلبۆم ٦٧٨ سترانایە و ئێکەم ئەلبۆم ١٩٨٧ێ بەلاڤ کریە، پشتی چەندین سالان بێدەنگ بووی، ئەو ئەگەرێ وێ چەندێ ئاشکرا دکەت.
ئەرشەد زاخۆیی دبێژیت: پشتی ئەو توشی روودانەکا ھاتنوچوونێ بووی و چەند نشتەرگەری کرن، وێ روودانێ گەلەک کاریگەری ل سەر ژیانا وی یا تایبەت و ھونەری کربوو ئو ژ بەر ھندێ نەدشیام چ کارەکی بکەم ژ ھونەری زیدەتر، و د وێ قوناخێ ژی دا دەمێ یێ نەخوەش وەکو پەیڤ و ئاواز وی کار ل سەر دکر.
دەربارێ وێ چەندێ چ کارەکێ نوو ل بەر دەستێ وی ھەیە، ئەو دیار دکەت، کو ئەو کار ل سەر ھندێ دکەت کو ٢٠ سترانێن خوە یێن کەڤن نوو بکەتەڤە، زێدەباری وێ چەندێ کو بەرھەمەکێ نووی ژی د دەستێ ویدایە و ئەلبۆمەکا نوویە کو ژ ١٠ تراکان پێک دھێت، لێ ئەو سترانێن کەڤن یێن کو ژ ٢٠ سترانێن کەڤن دێ بیتە ٢ ئەلبۆم ب ناڤێ، بیرھاتن ١ و بیرھاتن ٢ ژ بەرکو گەنجێ ڤی سەردەمی گەلەک داخوازا وان سترانێن کەڤن دکەن. دەربارێ وێ چەندێ ژی کو گەلەک سترانبێژێن نووی سترانێن وی یێن کەڤن گۆتینە و پێ ناڤدار بووینە، ئەرشەد دبێژیت، ھەر ئێکێ سترانا من گۆتبیت و درست ھاتبیتە گۆتن ژ ئالیێ پەیڤ و ئاوازێ ڤە دەستخوشیێ ل وان دکەم، لێ گرنگ ئەوە ھەر سترانبێژ و ھونەرمەندەکێ سترانێن من و ھەر ھونەرمەندەکی بێژیت، پێدڤیە بەری ھنگێ خودانێ سترانێ ئاگەھدار بکەت یان مافێ چ ھونەرمەندان نەخوت.
ئەرشەدی ئەوژی ئاشکرا کر کو ژ بلی کارێن ھونەری ئەو ژ کارەکێ دی ناکەت، ئو نوکە ب تنێ ل باژارێ زاخۆ وی سەنتەرەک ھەیە ب ناڤێ دەزگەھێ ئەرشەد زاخۆیی کو بویە جهێ ھەمی ھونەرمەند و رەوشەنبیر و رۆژنامەڤانێن کوردستانێ، دگەل وێ چەندێ ژی وی سەنتەرەک ھەیە بۆ فێرکرنا کارێ موزیکێ.