دکتۆر سالار عوسمان بریکاری وەزارەتی ڕۆشنبیری و لاوان، سوپاس و ڕێزلێنانی پێشکەشی ستاف و شانۆکارانی شانۆگەریی (دواڕۆژەکانی بابلۆ) کرد، کە توانییان بە سەرکەوتوویی و بە گڕوتێن و پشوودرێژییەکی ھونەریانەوە ئەم شانۆگەریە پێشکەش بکەن.
دواتر دکتۆر سالارعوسمان لەگەڵ تەواوی ستافی شانۆگەرییەکە کۆبووەوە و ڕۆڵ و ماندووبوونیانی بەرز نرخاند، کە نموونەیەکی جوانیان پێشکەش کردووە.
هەروەها باسی لەوەش کرد، کە ئەم شانۆگەرییە دەبێتە وەرچەرخانێک لە مێژووی شانۆگەریی کوردیدا، گوتیشی ئێستا ئێوە چوونەتە نێو ماڵباتی کوردی و ئەوەیش پێشکەوتنێکی ترە و جێی دەستخۆشییە.
لەکۆتاییدا بریکاری وەزارەتی ڕۆشنبیری و لاوان ئەوپەڕیی پاڵپشتی و پشتگیریی بۆ ستافەکە دووپاتکردنەوە و هیوای بەخشش و بەردەوامی بۆ خواستن.