ئەحلام حەجی بەشداری لە کارێکی نوێدا دەکات
شاجوانی رۆژهەڵاتی ناوەڕاست ئەحلام حەجی بەشداریی لە زنجیرە درامایەكی مەغریبیدا دەکات بە ناوی (جودیا) لە دەرهێنانی سەفا بەرەكە سیناریستی بەناوبانگ بوشرا مەلاكە و بڕیار وایە لە مانگی رەمەزانی داهاتوودا لە كەناڵی یەكەمی نیشتمانیی مەغریبدا نمایش بكرێت و بەرهەمی كۆمپانیای (دیسكۆنیكتد)ە بۆ بەرهەمهێنانی هونەری.
لەم زنجیرەدا ئەحلام حەجی رۆڵێكی سەرەكی دەبینێت و ژمارەیەک ئەستێرەی ناوداری مەغریبی بەشداریی تێدا دەكەن لەوانە نەجات وافی، ئیبتیسام عەروسی، حەمید زوغی، عەبدولنەبی بنیوی، هاجەر مەسدوقی و جەواد ئەلسایح و چەندانی دیكە. لەم درامایەدا ئەحلام رۆڵێكی گرنگ دەبینێت لە گۆڕینی رێرەوی زنجیرەكە كە خۆی لە تۆڵە سەندنەوەدا دەبنیتێەوە و چەندین سوپرایزی تێدایە كە لەلایەن جەماوەرە پێشبaینی نەكراوە. سەبارەت بە ئەزموونی نواندن و ئەو رۆڵەی لە زنجیرەكەدا دەیبینێت ئەحلام حەجی رایگەیاند: لە زنجیرە درامای (جودیا) رۆڵی كچێك دەبینم بە ناوی (زیزۆ) كە ئافرەتێكی جوان و سەرنجڕاكێشە، چونكە گرنگییەكی زۆر بە جوان دەركەوتن و شێوازی دەرەوەی خۆی دەدات و هەمیشە جوانە، ( زیزۆ) هاوڕێیەكی زۆر نزیكی ئافرەتێكە بە ناوی (فەتومە) و گشت نهێنییەكانی ئەو ئافرەتە دەزانێت، دواتر چەند راستییەكی شۆك هێنەری بۆ روون دەبێتەوە كە پێشبینیی نەدەكرد.
ئەحلام هەروەها وتی: مایەی شانازی و خۆشحاڵیی منە كە لەگەڵ ئەم ئەستێرە ناسراوانەدا بەشداری لە كاری نواندن دەكەم بۆ تەلەفزیۆن ئەمە سەرەڕای ناوبانگی كۆمپانیاكە لەسەر ئاستی وڵاتی مەغریب و نیشتمانی عەرەبی كە بە شێوەیەكی پرۆفیشناڵ و پیشەگەرانە كاری خۆیان دەکەن و تا ئێستا سەركەوتنی زۆریان بەدەست هێناوە، بۆیە دڵنیاین بە بەشداری ئەم هەموو هونەرمەندە و دەرهێنەر و سیناریستە،(جودیا)ش لە هەموو روویەكەوە سەركەوتوو دەبێت و یەكێك دەبێت لە كارە نایابەكانی مانگی رەمەزانی داهاتوو. سەبارەت بە هاندانی بۆ بەشداری كردن لەو كارەدا ئەجلام حەجی رایگەیاند: پێشتر لە چەند پێشكەشكردنی چەندین بەرنامەی جیاجیا و كاری نواندن لە دەرەوەی مەغریب بەشداریم كردووە و لە هەموویان سەركەوتوو بوون، هەروەها بەر لە ماوەیەك بەشداریم كرد لە كارێكی نیشتمانی بە ناوی (هەموومان مەغریبیین) وەك میوانێكی كارەكە و لە مانگی رەمەزانی رابردوودا نمایش كرا، سەركەوتنی ئەم كارە و پێشوازیی گەرمی جەماوەر لێی وای لە من كرد كەبەشداریی بكەم لە كارێكی نواندن لە وڵاتی خۆمدا، زنجیرەدرامای (جودیا)م بە دەرفەتێک زانی كە لە وڵاتی خۆمدا بەشداریی كاری نواندن كەم و لە جەماوەری خۆم نزیك ببمەوە