زۆرێک لە ئێمە قەڵەوی وەک کێشەیەکی جوانی یان تەنها گەورەبوونی قەبارەی جلوبەرگ دەبینین، بەڵام لە ڕاستیدا قەڵەوی “نەخۆشییەکی بێدەنگە” کە ڕاستەوخۆ کار دەکاتە سەر تەمەن و کوالێتی ژیانی مرۆڤ. دابەزاندنی کێش تەنها گۆڕینی شێوەی دەرەوە نییە، بەڵکو وەبەرهێنانێکی گەورەیە لە تەندروستیی جەستە و ئارامیی دەرووندا.
مەترسییەکانی قەڵەوی
د. دیاری نیهاد ئیسماعیل، پسپۆڕی نەشتەرگەری گشتی و ناوسکبین، ئاماژە بەوە دەکات کە قەڵەوی دەروازەیەکە بۆ کۆمەڵێک نەخۆشی مەترسیدار کە گرنگترینیان ئەمانەن:
• نەخۆشییەکانی دڵ: ئەگەری تووشبوون بە جەڵتەی دڵ و بەرزەپەستانی خوێن زیاد دەکات.
• چەوربوونی جگەر: دەبێتە هۆی تێکچوونی فەرمانی سروشتیی ئەم ئەندامە گرنگە.
• شەکرەی جۆری دووەم: فشارێکی زۆر دەخاتە سەر پەنکریاس و هەموو جەستە تووشی گرفت دەکات.
دیوە شاراوەکەی دابەزاندنی کێش
گۆڕانکاریی دەروونی دابەزاندنی کێش تەنها جەستەت سووک ناکات، بەڵکو کاریگەرییەکی جادووی لەسەر مێشک و دەروون جێ دەهێڵێت:
1. بەرزبوونەوەی متمانە: کاتێک هەست بە هێز و ڕێکیی جەستەت دەکەیت، بڕوات بەخۆت زیاتر دەبێت.
2. خەوێکی بێوەی: کێشی گونجاو واتە هەناسەدانێکی باشتر و خەوێکی قووڵتر، کە ڕاستەوخۆ سترێس و دڵەڕاوکێ کەمدەکاتەوە.
3. هۆرمۆنی دڵخۆشی: وەرزش و جووڵە دەبنە هۆی دەردانی زیاتری (ئەندۆرفین)، کە هەستی شادی و ئارامی دەبەخشێت.
4. ڕەواندنەوەی تەمەڵی: بە دابەزاندنی کێش، وزەت زیاد دەکات و لە هەستی بێتاقەتی و خەواڵوویی ڕزگارت دەبێت.
پەیامێك بۆ ئەوانەی كە كێشیان زیادە و قەڵەون: ژیانێکی پڕ لە وزە و بەبێ ئازار مافی سەرەتایی تۆیە. ڕێگە مەدە چەورییە زیادەکان ببنە بەربەست لە بەردەم خەونەکانت. هەر ئەمڕۆ بڕیار بدە و یەکەم هەنگاو بەرەو “تۆ”یەکی نوێ و تەندروستتر بنێ.