ئەژین عەبدوڵڵا – هەولێر
خۆشترین ساتی ئافرەتانی دووگیان ئەوەیە کە هەست بە یەکەم جووڵەی کۆرپەکەی دەکات، ئەم جووڵەیەش لە مانگی پێنجەم و هەندێك جار كۆتایی مانگی چوارەمدا هەستی پێ دەكرێت.
د. شناو عەبدولوەهاب هەورامی پسپۆری نەخۆشیەکانی ژنان و مناڵبون و نەزۆکی و چاودێری ژنانی دووگیان جەخت دەكاتەوە كە جووڵە لە کاتی دووگیانیدا گرنگە بۆ پاراستنی تەندروستیی دایک و کۆرپەکەی، بەڵام جۆر و بڕی جووڵە یان وەرزشکردن پێویستە لەگەڵ هەر قۆناغێکی دووگیانی و باری تەندروستی خانمەکەدا بگونجێت.
د. شناو عەبدولوەهاب چەند رێنماییەکی گشتی دەخاتە ڕوو :
سێ مانگی یەکەم (هەفتەکانی ١ – ١٣):
١-بەردەوام بە لە چالاکیی رۆژانە :
زۆربەی خانمان دەتوانن بەردەوام بن لە رۆتینی وەرزشی پێش دووگیانی، بەڵام بە هەندێک دەستکاری بەپێی پێویست .
٢-دوورکەوتنەوە لە گەرمداگەڕانی زۆر:
وریا بە لەو چالاکیانەی دەبنە هۆی گەرمداگەڕانی زۆر، جونکە ئەمە زیانی بۆ کۆرپەلەکە دەبێت.
٣-بە شێداری بمێنەرەوە :
ئاوی زۆر بخۆرەوە لە بەرای وەرزش و لە کاتی وەرزشکردن و دوای وەرزشکردن.
٤-گوێ لە جەستەت بگرە :
ماندووێتی و دڵتێکەڵهاتن و رشانەوە لە سێ مانگی یەکەمدا باوە، گرنگە پشوو بدەیت و زۆر خۆت ماندوو نەکەی .
سێ مانگی دووەم (هەفتەکانی ١٤-٢٧):
١-چالاکی رێک بخە:
لەگەڵ گەشەکردنی سک، راهێنانەکان رێک بخە بۆ پاراستنی ئاسوودەیی و سەلامەتی، دوور بکەوەرەوە لەو راهێنانانەی کە بریتین لە پاڵکەوتن بە تەختایی لەسەر پشت بۆ ماوەیەکی درێژ.
٢-تەرکیز لەسەر بەهێزی ناوەکی :
راهێنانی نەرمی سک دەتوانێت یارمەتیدەر بێت بۆ پتەوکردنی پشت و رێگەگرتن لە ئازاری بەشی خوارەوەی پشت .
٣-وەرزشەکانی بنی حەوز :
ئەمانە دەتوانن یارمەتیدەر بن لە ئامادەکاری بۆ منداڵبوون و یارمەتیدەر بن لە چاکبوونەوەی دوای منداڵبوون.
٤-چالاکیی کەمکاریگەر :
رۆشتن و مەلەکردن هەڵبژاردەیەکی نایاب و ناوازەن .سێ مانگی سێیەم (هەفتەکانی ٢٨-٤٠)
١-جووڵەی نەرم:
تەرکیز لەسەر چالاکییە کەمکاریگەرییەکان بکەرەوە کە ئاسانن لەسەر جومگەکان، بەو پێیەی لەش زیاتر ریلاکسین بەرهەم دەهێنێت، کە بەستەر و جومگەکان شل دەکاتەوە .
٢-جلوبەرگی گونجاو:
بەکارهێنانی جلوبەرگ و پێڵاوی ئارام نەرم و خۆش، کە لەگەڵ گۆرانکارییەکان لە قەبارە و شێوەی جەستەدا بگونجێت.
٣-دوورکەوتنەوە لە چالاکییە مەترسیدارەکان :
پێویستە دوور بکەونەوە لەو چالاکیانەی کە ئەگەری کەوتن یان زەبر و زیانی سک زیاد دەکەن.
٤-پشوودان و ئیسراحەت:
پشوودانی پێویست و ئیسراحەت گرنگە، چونکە زۆرجار ماندووێتی لە سێ مانگی سێیەمدا زیاد دەکات .