ئەژین عەبدوڵڵا – هەولێر
هەوكردنی لێو یان وشکبوونەوەی لێو دەکرێت لەبەر چەندین هۆکاری جیاواز ڕوو بدات؛ د. بیلال عەبدوڵڵا پسپۆڕی منداڵان و تازەلەدایكبووان دەربارەی هۆكارەكان و چارەسەرییەكان چەند ڕێنماییەك و زانیارییەك بە دایك و باوكان دەدات.
د. بیلال عەبدوڵڵا دەربارەی لە هۆکارە ژینگەییەکانەوە تا دەگاتە حاڵەتە پزیشکییەکان دەخاتە ڕوو كە باوترین هۆکارەکان باسدەکات كە بریتین لە:
*وشکداگەڕانی لەش (کەمئاوی) .
*کەشوهەوای سارد، وشک.
*بەرکەوتنی خۆر.
*گەستنی لێو.
*هەناسەدان بە دەم.
*گرنگی نەدانی پێویست بە لێو (بۆ نموونە، بەکارهێنانی هەویرددانی نەگونجاو)
*هەستیاری بەرکەوتن یان هەوكردنی پێست
*بەكارهێنانی کرێمی لێو (بەتایبەت ئەوانەی بۆندار یان تامیان هەیە.)
*هەویرددانی بە ماددەی (SLS)، ماددە تامبەخشەکان
د. بیلال عەبدوڵڵا هەروەها ئاماژە بە کەمیی خۆراکی دەكات كە هۆكارە بۆ لێووشكی و دەڵێت: لێوی وشک دەکرێت نیشانەی کەمیی ڤیتامین یان کانزای دیاریکراو بێت وەك ( ڤیتامین بێ دوو، ڤیتامین بێ سێ (نیاسین) – نەخۆشیی پێلاگرا، ڤیتامین بێ شەش (پایریدۆکسین) و، هەروەها کەمیی ئاسن و کەمیی زینک
ئەو پزیشكە پسپۆڕەیە ئاماژە بە حاڵەتە پزیشکییەکانیش دەكات وەك کەمیی غودەی دەرەقی و نەخۆشیی شەکرە و نەخۆشیی سندرۆمی شۆگرن – نەخۆشییەکی بەرگریی خۆکارانەیە (چاو، دەم و لێوی وشک) هەوكردنی پێستی ئەتۆپیک / ئەگزیما و، نەخۆشیی سەدەف و نەخۆشیی هەوکردنی ڕیخۆڵە.
جگە لەوانەش هەوکردنەکان وەك: هەوکردنی کەڕوویی (بۆ نموونە، کاندیدا) – زۆرجار لەگەڵ درز لە گۆشەکانی دەمدایە، ڤایرۆسی هێرپسی سادە (HSV) – دەکرێت بە لێوی وشک، توێکڵهەڵداو، یان قڵیشاو دەربکەوێت.
دەرمانەکان هەربۆیە لێوی وشک دەکرێت کاریگەریی لاوەکیی ئەم دەرمانانە بێت:
*ئایزۆترێتینۆین (ئەکوتان) ـ زۆر باوە
*دژەهیستامینەکان
*دژەگیرانەکان (دێکۆنجێستانتەکان)
*میزپێکەرەکان
*چارەسەری کیمیایی
*دژە خەمۆکییەکان
*دەرمانەکانی دژە پارکینسۆن
*هۆکاری تر
د. بیلال عەبدوڵڵا ڕوونی دەكاتەوە كە زیادەڕەوی لە توێکڵکردن یان بەکارهێنانی زیاد لە پێویستی مقەشیری لێو و چارەسەرە نوێیەکانی ددان (هێشتنەوەی دەم بە کراوەیی بۆ ماوەیەکی زۆر) وە ژەهراویبوونی ڤیتامین ئەی دەگمەن.
کەی سەردانی پزیشک بکەیت؟
*وشکبوونی بەردەوام کە بە کرێمی لێو یان ئاوخواردنەوە چارەسەر نەبێت.
*دروستبوونی درز لە گۆشەکانی دەم (هەوكردنی گۆشەی دەم).
*سوورهەڵگەڕان، خوێنەچۆڕە، ئازار، یان ئاوسان لەگەڵیدا.
*گومانی کەمخۆراکی یان حاڵەتێکی بەرگریی خۆکارانە.