ئەژین عەبدوڵڵا – هەولێر
سەردانی مانگانەی پێش زایین (منداڵبوون) بۆ چاودێریکردنی تەندروستیی دایک و کۆرپەکەی زۆر گرنگە.
د. دلۆڤان محەمەد عەلی پسپۆڕی نهخۆشیهکانی ژنان و زایین (منداڵبوون)، چاودێریی دووگیان، نەشتەرگەری بە ناوسکبین، نەزۆکی و منداڵی بلووری، سەردانیكردنەكە بە گرنگ دەزانێت و دەڵێت: ئەم سەردانانە بە شێوەیەکی گشتی لە ماوەی ٢٨ هەفتەی یەکەمی دووگیانیدا و، پاشان مانگی جارێک رێک دەخرێت.
د. دلۆڤان محەمەد گرنگی چاودێری مانگانە لە ماوەی دووگیانیدا دەخاتە ڕوو:
1-چاودێریکردنی گەشەی کۆرپە:
*پێوانی باڵا و لێدانی دڵی کۆرپەلە.
*دڵنیا بە لەوەی کۆرپەکە بە جوانی گەشە دەکات.
2-بەدواداچوون بۆ تەندروستیی دایک:
*پشکنینی پەستانی خوێن و کێش و هەوکردنی میزەرۆ.
*گەڕان بۆ کەمخوێنی و شەکرەی دووگیانی .
3-زوو دەستنیشانکردنی ئاڵۆزییەکان
بۆ ئەوەی مەترسییەکانی وەک پێش ئیکلەمپسیا، زایین (منداڵبوون)ـی پێشوەختە، یان سنووردارکردنی گەشەی کۆرپەلە دەستنیشان بکرێت.
4-ڕێنمایی خۆراکی و شێوازی ژیان، پێشکەشکردنی ئامۆژگاری سەبارەت بە خۆراک و وەرزشکردن و خووەکان.
5-پلاندانان بۆ منداڵبوون، باس لە بژاردەکانی منداڵبوون، کەمکردنەوەی ئازار و نیشانەکانی منداڵبوون لە سەردانەکاندا دەکرێت.
د. دلۆڤان محەمەد جەخت دەكاتەوە كە: پشکنینی مانگانەی پێش زایین یارمەتیدەرە بۆ دڵنیایی لە دووگیانییەکی سەلامەت و تەندروست. وازهێنان لە سەردان، لەوانەیە ببێتە مەترسی بۆ دایک و کۆرپە.