لە بەهاراندا چەند جۆرە هەستیاری و ئاڵۆشێک، تووشی چاو دەبێت، هەستیاری و ئاڵۆشی چاو، کاردانەوەی چاوە بەرانبەر بە ماکی ئاڵۆشدەری وەکو كرێمی دەموچاو، ماكیاژ، تۆز؛ ئەو ماددانە دەبێتە هۆی خورانی پێڵوی چاو، (ئەو پەردە ڕوونەی کە سپێنەی چاو دادەپۆشێ). هەربۆیە چاو تووشی ئازار یان خوران و سووربوونەوە دەکا.
هۆکارەکانی هەستیاری چاو:
* گەردیلە: ئەمەش باوترین هۆکاری هەستیاری و ئاڵۆشی چاوە بەتایبەتی لە بەهاراندا.
* تۆز: دەبێتە هۆی خورانی چاو، بەتایبەتی لەو کەسانەی هەستیاریان هەیە.
* کوڵک و تووک و مووی ئاژەڵ: ئەو شتانە دەبێتە هۆی خوران و سووربوونەوەی چاو لەو کەسانەی کە هەستیارن بە ئاژەڵ.
* بۆن و جوانکاری: ئەمانە دەبنە هۆی خورانی چاو لە هەندێک کەسدا.
* مادەی کولۆر: دەبێتە هۆی خوران و سووربوونەوەی چاو لە هەندێک کەسدا.
* دووکەڵی جگەرە: دەبێتە هۆی خورانی چاو لە هەندێک کەسدا.
نیشانەکانی ئاڵۆشی چاو:
1. خوران: ئەمە باوترین نیشانەی هەستیاری چاوە.
2. سووربوونەوەی چاو: لەوانەیە چاو سوور بێتەوە و توشی هەوکردن بێت.
3. فرمێسک: لەوانەیە چاوەکان لەڕادەبەدەر فرمێسكیان لێبێتە خوارەوە.
4. ئاوسان: لەوانەیە پێڵوی چاوەکان بئاوسێن.
5. هەستکردن بە خۆڵ لە چاودا: لەوانەیە مرۆڤ وا بزانێ خۆڵ چووەتە چاوی.
6. هەستیاری بە ڕووناکی: لەوانەیە چاو هەستیار بێت بە ڕووناکی.
چارەسەری هەستیاری و ئاڵۆشکانی چاو:
* دوورکەوتنەوە لە ماددەی ئاڵۆشدەر و هەستیارکەر: باشترین ڕێگە بۆ چارەسەرکردنی هەستیاری چاو دوورکەوتنەوەیە لە ماددەی ئاڵۆشدەر.
* قەترەچاوی دژەهیستامین: قەترەچاوی دژەهیستامین، خوران و سووربوونەوەی چاو کم دەکاتەوە.
* قەترەچاوی دژەهەو: قەترەچاو دژەهەوکردن یارمەتی کەمکردنەوەی ئاوسانی چاو دەدات.
* پاککەرەوە: ماددە پاککەرەوەکان دەتوانن یارمەتیدەر بن لە کەمکردنەوەی بەرهەمهێنانی فرمێسک.
* چارەسەری ناوماڵەکی: هەندێک چارەسەری ناوماڵەکی، نیشانەکانی هەستیاری و ئاڵۆشکانی چاو کەم دەکاتەوە؛ وەک دانانی خاولیەكی سارد بۆ چاو یان بەکارهێنانی قەترەی چاو.
لە هەموو دۆخێكدا باشترە ڕاوێژ بە پزیشکی چاو بکرێت ئەگەر نیشانەکانی هەستیاری و ئاڵۆشی چاو، لێتی توند کرد یان بێزاری کردیت.
ئامۆژگاری بۆ خۆپاراستن لە هەستیاری و ئاڵۆشی چاو:
1. دەستوپلت با دایمە پاک بێ و بەردەوام بیشۆرە: ئەمەش یارمەتیدەرە بۆ ڕێگەگرتن لە بڵاوبوونەوەی ماددەی ئاڵۆشدەر لە دەستەوە بۆ چاو.
2. چاویلکەی خۆر لە چاو بکە: چاویلکەی خۆر یارمەتیدەرە بۆ ئەوەی تیشکی زیانۆک نەگاتە چاو.
3. بەرگی پێخەفەکەت زووزوو بگۆڕە: ئەمە دەتوانێت یارمەتیدەر بێت لە کەمکردنەوەی کۆبوونەوەی تۆز لە پێخەف و ژینگەی خەوتندا.
4. ژینگەی ماڵەوە با پاک بێت و بەردەوام پاک بکرێتەوە: ئەمەش یارمەتیدەرە بۆ کەمکردنەوەی نیشتنی تۆز و گەردیلە بە ناوماڵەوە.
ماكوان عيززه‌‌ت-هەولێر