ڕۆیشتن “پیاسەکردن” لە ٣٣هەمین هەفتەی دووگیانیدا چالاکیەکی سەلامەتە چونکە سیستەمی دڵ و خوێنبەرەکانت کار دەکات بەبێ ئەوەی فشار بخاتە سەر ماسولکەکان و جومگەکانت. هەروەها ڕۆیشتن بە پێ باوترین جۆری چالاکیی جەستەییە لە کاتی دووگیانیدا.
ئەم جوڵە و ڕۆیشتنە بەوە ناسراوە کە چەندین سوودی تەندروستی بۆ دایک و کۆرپە هەیە. لەکاتی دووگیانیدا ڕۆیشتن یارمەتیت دەدات کە لەشجوانی بمێنیتەوە (ڕۆیشتن یەکێکە لە باشترین ڕاهێنانەکانی دڵ و خوێنبەرەکان بۆ خانمانی دووگیان) بەبێ ئەوەی ئازار و فشاری ئەژنۆ و پاژنەی پێت هەبێت.
لێرەدا گرنگترین سوودەکانی ڕۆیشتن لە هەفتەی ٣٣ی دووگیانیدا دەخەینە ڕوو:
ڕۆیشتن لە هەفتەی سیوسێ، واتە لە سێ مانگەی سێهەمی دووگیانیدا، پێویستە و سوودی زۆری هەیە بۆ دایک و کۆرپەلە، بە مەرجێک زیادەڕەوی نەکات.
چالاکیی جەستەیی و وەرزشکردن لە کاتی دووگیانیدا پەیوەندی بە باشتربوونی کوالیتی ژیانی ژنانی دووگیانەوە هەیە و کاریگەرە لە کەمکردنەوەی زیادبوونی کێشی زیادە، شەکرەی دووگیانی، ئازاری خوارەوەی پشت.
هەروەها کاریگەری سودبەخشی هەیە لەسەر کۆرپەلە و تازەلەدایکبوو و لە قۆناغەکانی دواتری ژیانی تازەلەدایکبوودا.
ڕۆیشتن لە کاتی دووگیانیدا کەی بوەستێت
وەک هەر شتێکی تر، تەنانەت زۆر ڕۆیشتن لە کاتی دووگیانیدا لەوانەیە مەترسیدار بێت، وەک هەناسە تەنگی و فشار و ئازار. خۆت زیادەڕەوی مەکە. لەوانەیە پێویستت بە خاوبوونەوە بێت لەگەڵ پێشکەوتنی دووگیانیەکەت یان ئەگەر پزیشکەکەت ئامۆژگاریت بکات. ئەگەر گومانت هەبوو، ڕاوێژ بە پزیشکەکەت بکە.
هەوڵبدە ڕۆژانە چالاک بیت، ڕۆژانە ٣٠ خولەک ڕۆیشتن بە پێ دەتوانێت بەس بێت، بەڵام ئەگەر نەتوانیت ئەنجامی بدەیت، هەر بڕەێك توانیت بڕۆ چونكە باشترە لەوەی هیچ نەڕۆیت.
* پێش وەرزشکردن و لە کاتی وەرزشکردن و دوای ڕۆشتن ئاوێکی زۆر بخۆرەوە. نیشانەکانی وشکبوونەوە بریتین لە سەرگێژخواردن، لێدانی دڵ بە خێرایی، میزکردن تەنها بڕێکی کەم یان هەبوونی میزێکی زەردی تۆخ.
*ستیانی وەرزشی لەبەر بکە کە پشتگیرییەکی زۆرت پێ دەدات بۆ ئەوەی یارمەتی پاراستنی مەمک بدات.
* دوور بکەوەرەوە لە گەرمبوونی زۆری جەستەت بەتایبەت لە سێ مانگی یەکەمدا. ئاوی زۆر بخۆرەوە و جلوبەرگی شل لەبەر بکە. کاتێک زۆر گەرمە یان شێدارە لە دەرەوە مەڕۆ.
* تا دەتوانیت دوور بکەوەرەوە لە وەستان. وەستان بەپێوە دەبێتە هۆی ئەوەی خوێن لە قاچ و پێیەکانتدا کۆ ببێتەوە. ئەم بارودۆخانە لەوانەیە ببێتە هۆی دابەزینی پەستانی خوێن بۆ ماوەیەکی کورت.
لە کاتی دووگیانیدا کەی دەست بە ڕۆیشتن بکەیت؟
*لە کاتی دووگیانیدا ڕۆیشتن بە پێ ڕێگەیەکی زۆر باشە و دەتوانرێت بەبێ گوێدانە ئاستی جەستەت ئەنجام بدرێت. دەتوانیت بە خێرایییەکی ئاسوودە بڕۆن،کە لە سێ مانگی یەکەمەوە دەست پێدەکات و بە درێژایی دووگیانیەکەت بەردەوامبێت.
* دووگیانی دەبێتە هۆی گۆڕانکاری لە پێیەکانت و درێژی هەنگاوەکانت.
* لەگەڵ تێپەڕبوونی مانگەكانی سكپڕیت لە سێ مانگی دووەم و سێیەم، جۆری پێڵاوەكەت بگۆڕە بۆ گەورەتر. لەوانەیە پێیەکان لە کاتی دووگیانیدا بئاوسن.
* بوتڵێکی بچووک ئاو لەگەڵ خۆتدا هەڵبگرە بۆ خواردنەوە لە نێوان پیاسەکاندا.
* ئەگەر لە هەر کاتێکدا هەستت بە تەنگەنەفەسی کرد، پێویستە بوەستیت و پشوو بدەیت. کاتێک ئارام بوویتەوە دەتوانیت دەست بە ڕۆیشتن بکەیتەوە.