سووده ته‌ندروسته‌كانی چه‌وه‌نده‌ر بۆ مرۆڤ
چەوەندەر بڕێکی گونجاوی نیتراتی تێدایە کە ئەو ماددەیە لە جه‌سته‌دا دەگۆڕێت بۆ یەکەم ئۆکسیدی نایترۆجین، نیترات پێکهاتەیەکه بۆرییەکانی خوێن فراوان دەکات و ئارامییان دەکاتەوە، بەمەش پەستانی خوێن دادەبەزێت.
چەوەندەر، بە پۆتاسیۆم دەوڵەمەندە و یارمەتیدەرە بۆ دروستکردنی هاوسەنگی لەگەڵ سۆدیۆم، ئەمەش دەبێتە هۆی دابەزینی پەستانی خوێن.
چه‌وه‌نده‌ر چەندان سوودی تەندروستی هەیە و مرۆڤ ده‌توانێت ڕۆژانه وه‌كوو گیراوه و شه‌ربه‌ت بیخواته‌وه، ئه‌مانه‌یش گرنگترین سووده‌كانین:
1- باشترکردنی پەستانی خوێن
وه‌ك ئاماژه‌مان بۆ كرد، شەربەتی چەوەندەر ڕێژەیەکی بەرزی نیتراتی تێدایە، ئەمەش یارمەتی ئارامکردنەوەی خوێنبەرەکان و دابەزاندنی پەستانی خوێن دەدات.
2- باشتركردنی تەندروستیی دڵ
دژە ئۆکسان و نیتراتەکانی ناو شەربەتی چەوەندەر یارمه‌تی باشتركردنی كاره‌كانی دڵ ده‌كه‌ن و دەتوانن مەترسی تووشبوون بە نەخۆشییەکانی دڵ کەم بکەنەوە.
3- چالاکیی جەستە پتر ده‌كات
ڕێژەی نیتراتی ئاوی چەوەندەر دەتوانێت یارمەتیدەر بێت لە باشترکردنی بەکارهێنانی ئۆکسجین لە جەستەدا و بەم شێوەیە بەرگەگرتن لە کاتی چالاکییە وەرزشییەکان پتر دەکات.
4- بەهێزکردنی بەرگری جه‌سته
چەوەندەر دەوڵەمەندە بە ڤیتامین سی و دژە ئۆکسێنەرەکانی دیكه، خواردنی بەردەوامی شه‌ربه‌ته‌كه‌ی یارمەتی پشتگیریی سیستەمی بەرگری جه‌سته دەدات.
5- تایبەتمەندی دژەهەوکردنی هەیە
بیتاین و پێکهاتەکانی دیكه‌ی ناو شەربەتی چەوەندەر بەشدارن لە کاریگەریی دژەهەوکردن، کە دەتوانێت هەوکردنی درێژخایەن کەم بکاتەوە.
6- تەندروستی پێست باشتر ده‌كات
دژە ئۆکسێنەرەکانی ناو ئاوی چەوەندەر یارمەتی پاراستنی خانەکانی پێست دەدەن لە ئۆکساندن و باشتركردنی پێستێکی تەندروست.
7- ئاستی زیره‌كی به‌رز ده‌كاته‌وه
ئەو ئاوێتانەی کە لە شەربەتی چەوەندەردا بە شێوەیەکی زۆر دەبینرێن دەتوانن یارمەتیدەر بن لە باشترکردنی هاتووچۆی خوێن بۆ مێشک و بەرزکردنەوەی ئاستی زیره‌كیی و کەمکردنەوەی مەترسیی جەڵتەی مێشک و ڕێگریکردن لە نەخۆشی بیرچوونەوە.
8- دابەزاندنی کێش
شەربەتی چەوەندەر کە کالۆری کەمی تێدایە و ڕیشاڵی زۆرە، یارمەتی پێشخستنی هەستکردن بە تێری دەدات و پاڵپشتی هەوڵەکانی دابەزاندنی کێش دەکات.
9- پرۆسەی هەرس به‌هێز ده‌كات
شەربەتی چەوەندەر بڕێکی زۆر ڕیشاڵی تێدایە کە پاڵپشتی ڕێکوپێکی هەرس دەکات و دەتوانێت یارمەتیدەر بێت لە ڕێگریکردن لە قەبزی.
10- باشکردنی تەندروستی جگەر
پێکهاتەکانی ناو شەربەتی چەوەندەر یارمەتی کارکردنی جگەر دەدەن و یارمەتیدەرن لە پاراستن و ڕزگاركردنی جه‌سته پرۆسەکانی له ژه‌هراویبوون.