دكتۆر ئازاد حەمە: كەم خواردن و وەرزشكردن و دووركەوتنەوە لە تەنگەژەی دەروونی باشترین خۆپاراستنە لە نەخۆشی كۆلۆن
مەزهەر كەریم – سلێمانی
دكتۆر ئازاد حەمە، پسپۆڕی نەخۆشیەكانی هەناوی و هەرس و جگەر لەبارەی نەخۆشی كۆلۆنەوە لەم گفتوگۆیەدا بە “هەولێر”ی گوت:” كۆلۆن سێ جۆری هەیە بەگشتی دەكەوێتە كۆتای ریخۆڵە باریكەوە. گوتیشی” كەم خواردن و وەرزشكردن و دووركەوتنەوە لە تەنگەژەی دەروونی باشترین خۆپاراستنە لەنەخۆشی كۆلۆن.
- نەخۆشی كۆلۆن چەند جۆری هەیە؟
- نەخۆشی كۆلۆن لە بەرزە كۆلۆن و بانە كۆڵۆن و نزمە كۆلۆن پێكدێت واتا سێ جۆرە.
كۆلۆن دەكەوێتە كوێی ریخۆڵەوە؟ - كۆلۆن دەكەوێتە كۆتایی ریخۆڵە باریكە و فەرمانی مژینی بەشێك ماددەیە پێش گەیشتنیان بە دەرچەی كۆم.
- چۆن بزانین نەخۆشی كۆڵۆنمان هەیە؟
- كەسی نەخۆش هەڵئاوسانی دەبێت لە دووبەشی جیاوازی ڕیخۆڵەدا بەیەك ئاڕاستەدا. ریخۆڵە كرمە جوڵەی دەبێت هەندێك جاریش بەدوو ئاراستەی جیاواز كرمە جوڵە دەبێت لەڕیخۆڵەدا. ئەمەش دەبێتە هۆی قەبزی یان سكچوون.
- ئەگەر نەخۆشی كۆلۆن چارەسەر نەكرێت چی دەبێت؟
- ئەگەر كەسی تووشبوو چارەسەری نەخۆشیەكە نەكات بەشێكی ریخۆڵە وشك دەبێتەوە و رێگر دەبێت لەمژینی ماددە تواوە و دەردانی پاشەڕۆ.
بۆچی توومشی كۆلۆن دەبین؟
- هۆی زۆری بخواردنەوەی ماددە گازیەكان و ماددە كحوولیەكان – خواردنی باقلەمەنیەكان بەتایبەت فاصۆلیا و نۆك -خواردنی گۆشت بە سوركراوەیی . -جگەرە كیشان -زۆری خواردنی ماددەی ترشی – بیركردنەوەی زۆر لە نەخۆشی تر و خواردنی زۆری فاست فوود دەبێتە هۆی تووشبوون.
- چۆن بزانین تووشی كۆلۆن بووین؟
- نیشانەكانی كەسی تووشبوو بریتییە لە دڵە راوكێ بوون (دل تووندی)، ئارەزوو نەكردنی خواردن و بوونی دەنگی نامۆ لە ریخۆلەدا واتا(قۆرە قور)لە سكدا قەبزی و سكچوون و، بوونی خوین لە باشەرۆدا كەمبوونەوەی كیشی لەش -بوونی چرچی و لۆچی دەم و چاو.
- نەخۆش چۆن چارەسەر وەردەگرێت؟
- نەخۆش دەبێت دەرمان بەكارهێنێت بە شیوەیەكی ریك و پێك یان نەشتەگەری واتا برینی بەشیك لە ریخۆلە. خۆپاراستن.
- چۆن خۆمان بپارێزین؟
- باشتروایە ئەوانە كۆڵۆنیان هەیە لە جیاتی ئەوەی سێ ژەم نان بخۆن شەش ژەم نان بخۆن واتا بەردەوام كەمخۆری بكەن هەروەها زۆر خواردنی ئاو و سەوزە ڕەچاوبكەن و وەرزش بكەن و بەتایبەت بەپێ رێكردنی ڕۆژانە زۆر پێویستە هەروەها دووركەوتنەوە لەهەر پەستانێكی دەروونی.