لیر بریتیە لەپەڵەیەكی سوور كە بەرز دەبێتەوەو ڕەنگێكی سپی كاڵ بەدەوری خۆیاندا دروست دەكات، بەهۆی بوونی نەخۆشی هەستیاریەوە دروست دەبێت و قەبارەكەی جیاوازە و بەشێوەی گرێی گەورە و بچوك دەردەكەوێت جۆرەكانیشی زۆرە.
بەپێی هۆكاری هەستیاریەكە بەسەر لەشدا بڵاودەبێتەوە جا بەهۆی خۆراكەوە بێت یاخود بەهۆی بەركەوتنەوە بێت ئەگەر بەهۆی خۆراكەوە بێت بەهەموو لەشدا بڵاودەبێتەوە ئەگەر بەهۆی بەركەوتنەوە بێت تەنیا لەو شوێنەدا دەردەكەوێت كەبەهۆی بەركەوتنەكەوە بوە.
لەوبارەیەوە( د. زانا محەمەد) پسپۆری نەخۆشییەكانی پێست ڕایدەگەیەنێت:” نەخۆشی لیر جۆرێكە لەنەخۆشی هەستیاری ئەمەش بەهۆی تێكشكانی خانەكانی ماست دەبێت كە جۆرێكە لەخرۆكە سپیەكان كاتێك ئەو خانانە تێكدەشكێن مادەیەك دەردەدەن لەهەر شوێنێكدا بێت، كاریگەری لاوەكی دروست دەكات بەجۆرێك لەسیەكاندا كەسەكە تووشی هەناسە دەنگی و كۆكین دەبێت لە پێستیشدا وەك لێر دەردەكەوێت لەكۆئەندامی هەسیشدا كەسەكە توشی ئازاری گەدەو ریخۆڵە دەبێت، هەروەها لەكۆئەندامی ئێسكدا ئێسك توشی ئازار دەكات. ئەمەش لەكاتێكدا دەبێت كە هەستیاریەكە زۆر بەهێز بێت چونكە خانەی ماست لەئێسكدا بەهێزترین و بەئاسانی تێكناشكێن”.
ئەو پزیشكە لەبارەی هۆكارەكانی نەخۆشییەكەوە ئاماژە بەچەند هۆكارێك دەكات لەوانەش:
(خۆراك بەتایبەت ئەو خۆراكانەی مادەی پڕۆتینیان تێدایە وەك فاسۆلیا ونۆك و پەتاتە و هێلكە گوێز و بایەم و شلیك و باینجان و مۆز)
) ڕەنگەكان ئەو ڕەنگانەی دەكرێنە خواردنەوە وەك پیبسی و شەربەتەكان)
(دەرمان حەبەكان دەچنە خوێنەوەو هەستیاری دروست دەكەن وەك ئەمپسلین و ئەمۆكسلین و هاوشێوەكانی هەروەها ئەسپرین كە هەستیاریەكەی درێژخایه نترەو هەندێك جاریش بەهۆی دەرمانی نەخۆشی درێژخایانەوە دروست دەبێت)
(گۆڕانكاری وەرزەكان ئەمەش پەیوەندی هەیە بە هەستیاریەوە لەبەهاردا گەشەكردن و بوژانەوەی گژوگیا و زیندەوەران دەبێتە هۆی دروستبوونی دەنكە هەڵاڵە)
(ئاو ئارەقكردنەوە هەندێك كەس بەهۆی بەركەوتنی ئاو و ئارەقكردنەوە توشی هەستیاری دەبێت كە پەیوەندی بەهەستیاری دەرمانەوە هەیە)
مادەكان بەنموونە بۆن و دەرمان بەكارهێنانی هەستیاری دروست دەبێت))
(بۆماوەیی بۆ نموونە كەسەكە لەباوباپیرانیەوە ڕەبۆیان هەیە ئەم كەسانە ئەگەری تووشبونیان هەیە بەهەستیاری).
(د زانا) لەبارەی نەخۆشییەكانی خۆپارێزیەوە دەڵێ:” خۆپاراستن لەنەخۆشی هەستیاری پێویستە لەو خۆراكانە دووربكەویتەوە كە دەبێتە هۆكاری تووشبوونی ئەو هەستیاریە یاخود ریژەیەكی کەمتر لەوجۆرە خۆراكانە بخورێت هەروەها دووركەوتنەوە لەبەكارهێنانی ئەو حەب و دەرمانانەی كە دەبنە هۆی هەستیاری و هاوكات دووركەوتنەوە لەودەرمانانەی كەبۆكوشتنی مێروە زیانبەخشەكان بەكاردەهێنرێت. جگە لەمانە خۆدوورگرتن لە تۆزوخۆڵ و لەوەرزی بەهاردا دەكرێت بڵێین پێویستە نەخۆش خۆی بەدوربگرێت لەدڵەڕاوكێ چونكە دەبێتەهۆی زیادبونی هەستیاریەكەی.هەستیارییش دوو جۆری هەیە كورتخایه ن و درێژخایەن، جۆری درێژخایەن بەپێی جۆرەكانی ئه وا پزیشك چارەسەر بۆ نەخۆش دادەنێت”.