سود و زیانەکانی قاوە

قاوە بە بەناوبانگرتین جۆرەکانی خواردنەوە دادەنرێت له جیهاندا و لەم ساڵانەی دواییدا کۆمەڵێکی بەرچاو لە هاوڵاتییان ڕۆژانە دەیخۆنەوە بە تایبەت لە گەنجان دا. 

دكتۆر کامەران ڕەسوڵ ژاژڵەیی، پسپۆڕی زانستی خۆراک جۆرەكانی قاوەی بڵاوكردوەتەوە، لەگەڵ سود و زیانەكانی.

بەناوبانگترین جۆرەکانی: 
1. ئێسپریسۆ  
پێکهاتوە لە قاوەی کوتراو لەگەڵ ئاو، بەوە جیادەکرێتەوە کە جۆرە کلاسیکییەکەی هیچی لەگەڵ تێکەڵ ناکرێت. 

2. کاپۆچینۆ
بەناوبانگترین جۆرەکانە و  لە قاوەی ئیسپرێسۆ لەگەڵ  کەمێک له شیری کوڵاو پێک دێت  لەگەڵ  چێنێک لە کەڤ له شیر بەسەر قاوەکەوە. 

3. قاوەی لاتیە (شیر و قاوە) قاوەی فەڕەنسی
قاوەی ئێسپریسۆ  لەگەڵ شیری چڕکراوە بە ڕێژەی یەکسان و چێنێک لە کەفی تۆخ لەسەر قاوەکە هەیە و  دەتوانرێت تامی جیاوازی وەک ڤانێلا یان گێزەر یان بلۆبێری تێکەڵبکرێت. 

4. قاوەی مۆکا
بریتییە لە تێکەڵەی قاوەی ئیسپریسۆ و شیری چڕکراوە و شەکر و  سەڵسەی شکۆڵاتە. 
 
5. قاوەی سەوز
ئەو کەسانە زیاتر دەیخۆنەوە کە کێشەی زۆری کێش و قەڵەوییان هەیە. 

6. قاوەی عەرەبی
قاوەی هاڕاو بە باشی لەگەڵ حێل و دارچینی و بێ شەکر و بە تاڵی دەخورێتەوە. 

سودە تەندروستیەکانی قاوە: 
1. وشیاربوونەوە و هەست بە چالاکی کردن. 

2. دەوڵەمەندە بە ماددە دژە ئۆکسانەکان کە ڕۆڵێکی گرنک دەبێنێت لە خۆپاراستن لە نەخۆشییە درێژخایەنەکان و کەمکردنەوەی هەوکردن لە جەستەدا. 

3. پاراستنی تەندروستیی دڵ. 

4. یارمەتی دابەزاندنی کێش و ڕێگریکردن لە قەڵەوی.

5. بەهێزکردنی یادەوەری و تەرکیز.
 
6. کەمکردنەوەی ئەگەری توشبون بە نەخۆشیی شەکرەی جۆری دوەم و بەرزیی کولیستڕۆڵ و جەڵتەی مێشک  و  بەردی زراو. 

زیانە تەندروستییەکانی قاوە
بە تایبەت ئەگەر ڕۆژانە زیاتر لە دو کوپ بخۆرێتەوە: 
1. کەمیی ئاسن و کەمخوێنی بە تایبەت لە خانمانی شیردەر و دوگیان  و لە منداڵان. 

2. تێکچونی خەو. 

3. زیاد بونی دڵەڕاوکێ.

4. سکچون. 

5. هەمو زیانەکانی تری ماددەی کافایین.