بەڕێوەبەری تەندروستیی سلێمانی رایدەگەێنێ، 10 حاڵەتی كۆلێرا لە سلێمانی تۆماركراون و رۆژانەش بەهۆی سكچوون و رشانەوەوە زیاتر لە 100 كەس سەردانی نەخۆشخانەكان دەكەن.
سەباح هەورامی، بەڕێوەبەری تەندروستیی سلێمانی ئەمڕۆ پێنج شەممە لەكۆنگرەیەكی رۆژنامەوانیدا رایگەیاند: 10 حاڵەتی كۆلێرا لە سلێمانی تۆماركراون.
بەڕێوەبەری تەندروستیی سلێمانی ، ئاماژەی بەوەشدا كە رۆژانە بەهۆی سكچوون و رشانەوەوە زیاتر لە 100 كەس سەردانی نەخۆشخانەكانی سلێمانی دەكەن.
هەروەها سەباح هەورامی گوتی: پێویستە خەڵكی دووربكەوێتەوە لە ئاوی پیس بە تایبەت ئەوانەی سەرچاوەیان نادیارە.
گوتیشی: هەموو ساڵێك حاڵەتی كۆلێرا هەیە، گرنگ ئەوەیە ئەوە زۆر زیاد نەكات،چونكە ترسەكە لەوەدایە كە ئەو كەسانەی تووشی كۆلێرا دەبن، ئەگەر چارەسەر وەرنەگرن، ئەگەری هەیە لەچەند كاتژمێرێكدا گیان لەدەست بدەن.
10 حاڵەتی توشبووی كۆلێرا لە سلێمانی تۆماركرا
