ئەژین عەبدوڵا – هه‌ولێر
شەوکوێری حاڵەتێکە، چاو بەبێ ڕووناکایی نابینێ یان بە زەحمەت دەوروبەر دەکاتە دی.
هەموو مرۆڤێک بە شێوەیەکی ئاسایی، لە تاریکیدا چاوی کەمبین دەبێ؛ دکتۆرە کانی عەلی پسپۆڕی نەشتەرگەری و نەخۆشیەکانی چاو جەخت دەكاتەوە كە شەوکوێری زیاتر لەوەی نەخۆشی بێت، نیشانەی نەخۆشییە.
د. کانی عەلی لە بارەی شەوكوێرییەوە دەڵێت: زیاتر بە ھۆی کێشەکانی تۆڕی چاوەوە پەیدا دەبێ و، دەبێتە ھۆی کزداگەڕانی بینایی لە شەودا یان کاتێک ڕووناکی کەمە.
ئەو پزیشكە هۆكارەكانی شەوكوێری ڕوون دەكاتەوە:
- ئاوی ڕەش و هەڵکشانی فشاری ئاوی ناو چاو؛
- ئاوی سپی و تەڵخداگەڕانی هاوێنەی چاو؛
- ھەوکردنی خانە ڕەنگییەکانی تۆڕی چاو؛
- تووشبوونی تۆڕی چاو بەھۆی شەکرەوە؛
- کەمداگەڕانی ڤیتامین ئەی کە یەکێکە لە ڤیتامینە سەرەکییەکان بۆ بینایی و خانەکانی تۆڕی چاو؛
- تێکچوونی دووربینی.
چارەسەر چییە؟
ھەر حاڵەتێک و چارەسەری تایبەتی خۆی ھەیە، بەپێی ھۆکارەکەی:
- وەرگرتنی ڤیتامین ئەی؛
- گۆڕینی چاویلکە (عەینەک)؛
- دەرمانی کەمکردنی فشاری چاو؛
- نەشتەرگەریکەدنی ئاوی سپی.