گۆشتی زیادەی سەر چاو پێک هاتووە لە کۆمەڵێک دەمار ڕیشاڵی سپێنەی چاو کە بە شێوەی سێگۆشەیەک کۆ دەبنەوە و دەچنە سەر چاو، پاشان لەسەرخۆ و هێواش‌‌هێواش بەرەو گلێنە دەچێت و دایدەپۆشێت.
د. ئاری ساڵەیی پسپۆڕی چاو، لە بارەی ئەو هۆکارانەی دەبنە هۆکاری دروستبوونی گۆشتی زیادەی سەر چاو ڕوونی دەكاتەوە كە:
• زۆر بەرکەوتنی تیشکی ڕۆژ بە تایبەت تیشکی UV..
• تەپوتۆز و بای بەهێز؛
• بەرکەوتنی بە موادی کیمیایی.
د. ئاری ساڵەیی دەشڵێت: لە سەرەتاکانی دروستبوونی ئەم گۆشتە زیادەیە لەوانەیە خوران و سووتانەوە دروست ببێت و دواتریش سووربوونەوە هەستکردن بە گڕی و وشکداگەڕانی چاو، دواتر زیاتر دەچێتە سەر گلێنە و بینین تەڵخ دەکا؛ هەربۆیە لە سەرەتا گۆشتەكە تەنکە هیچ کێشەیەکی نییە جگە لە کرێتکردنی چاو، دەکرێ بە قەترە نیشانەکانی کەم بکرێتەوە بەڵام لە کاتی گەورەبوونیدا دەبێت بە نەشتەرگەری لای ببەیت.