سایتی (بیزنس ئینسایده‌ر) لیستی ژماره‌یه‌ك پیشه‌ی بڵاوكرده‌وه، به‌ر له‌وه‌ی ئاگادار بێت، خاوه‌نه‌كه‌ی دووچاری مردنی له‌ناكاو ده‌كاته‌وه.
ئه‌و پیشانه‌ی دووچاری مردنت ده‌كاته‌وه بریتین له:
یه‌كه‌م: پۆلیس و به‌رگری شارستانی و فریاكه‌وتن
كارمه‌ندانی ئه‌و پیشه‌یه زۆرترین مه‌ترسی ده‌كه‌وێته سه‌ر ژیانیان، به‌هۆی به‌هاناوه چوونی خه‌ڵك له‌كاتی رووداوه مرۆیی و سرووشتییه‌كان.
دووه‌م: پزیشكانی سڕكه‌ر
به‌هۆی ئه‌وه‌ی به‌رده‌وام له‌ناو مادده‌ی كیمیاوی و گازیدا ده‌ژین، زۆربه‌ی پزیشكان و كارمه‌ندانی ئه‌و بواره تووشی مردنی له‌ناكاو ده‌بنه‌وه.
سێیه‌م: فه‌رمانبه‌رانی خزمه‌تگوزاری كرێكاران
ئه‌و كه‌سانه‌ی له‌م بواره‌دا كار ده‌كه‌ن و زۆربه‌ی كاته‌كانیان له‌نێو كاری به‌دواداچوونی كاری كرێكاری و قورس به‌سه‌ر ده‌به‌ن، دووچاری مردنی له‌ناكاو ده‌بنه‌وه.
چواره‌م: پزیشكانی ئافره‌تان و منداڵبوون
به‌هۆی ئه‌وه‌ی ئه‌و پزیشكانه تا كاتێكی دره‌نگ له‌سه‌ر كاره‌كانیان ده‌مێننه‌وه، ده‌روونیان به‌رده‌وام له شڵه‌ژاندایه، ئه‌وان دووچاری مردنی له‌ناكاو ده‌بنه‌وه.
پێنجه‌م: پزیشكانی نه‌شته‌رگه‌ری
به‌رده‌وام داوای ئارامبوونه‌وه‌یان لێده‌كرێت و هه‌میشه مێشكیان ماندوو ده‌بێت، بۆ سه‌ركه‌وتنی ئه‌و نه‌شته‌رگه‌رییانه‌ی كه ئه‌نجامی ده‌ده‌ن، بۆیه زۆربه‌یان دووچاری مردنی له‌ناكاو ده‌بنه‌وه.
شه‌شه‌م: فڕۆكه‌وان
به‌هۆی رێكخستنی گه‌شته‌كان و ئاماده‌كارییه‌كان بۆ كۆنتڕۆڵكردنی ته‌واوی ورده‌كاری ناو فڕۆكه و سه‌لامه‌تی گه‌شتیاران و رووداوه‌كانی سرووشتی كه له ئاسمانه‌وه دێته رێگا، دووچاری مردنی له‌ناكاو ده‌بنه‌وه.
حه‌وته‌م: پزیشكانی تاقیگه
یه‌كێكه له‌و پیشانه‌ی كه كارمه‌نده‌كانی دووچاری مردنی له‌ناكاو ده‌كاته‌وه، به‌هۆی تووشبوونیان به نه‌خۆشییه ڤایرۆسییه‌كان.
هه‌شته‌م: بێژه‌ره‌كان
زۆربه‌یان دووچاری مردنی له‌ناكاو و نادیار ده‌بنه‌وه، به‌هۆی ئه‌و هه‌موو په‌ستانه‌ی كه له‌سه‌ر شاشه دێته سه‌ر رێگایان.
نۆیه‌م: كارمه‌ندانی پیشه‌ی سه‌ما
له زۆربه‌ی كاته‌كانی نمایش دووچاری مردنی له‌ناكاو ده‌بنه‌وه.
ده‌یه‌م: پزیشكانی نه‌خۆشییه ده‌روونییه‌كان
به‌هۆی بینینی دیارده ده‌روونییه خراپه‌كانه كه رۆژانه له رێگه‌ی نه‌خۆشه‌كانییه‌وه دووچاری ده‌بنه‌وه، دووچاری مردنی له‌ناكاو ده‌بنه‌وه.