ئاژانسی ئاسایشی تەندروستی بەریتانی بڵاوی کردووەتەوە، جۆرێکی نوێی کۆرۆنا لەژێر پشکنیندایە، کە ئێستا ته‌شه‌نه‌یكردووه، تا ئێستا هیچ بەڵگەیەک نییە، کە نیشانەکانی لە جۆرەکانی دیکەی کۆرۆنا خراپتر و جیاوازتر بن، بەڵام مەترسییەکانی لە جۆرەکانی دیکەی کۆرۆنا زیاترن و خێراتر بڵاو دەبێتەوە.
ئامارە فەرمییەکان لە بەریتانیا ئاشکرایان کردووە، تا ئێستا 6 لەسەدی تووشبووانی ڤایرۆسی کۆرۆنا، لە جۆری دەلتا پڵەسن.
شارەزایان رایدەگەیەنن، پێکهاتەی ڤایرۆسەکە هاوشێوەی جۆرەکانی دیکەیە و ڤاکسینی ئێستا بۆ ئەو جۆرە ڤایرۆسەش بەرگری دروست دەکەن.
بۆریس جۆنسن، سەرۆک وەزیرانی بەریتانیاش داوای لە هاووڵاتیانی وڵاتەکەی کردووە بە زووترین کات ژەمی سێیەمی ڤاکسینی کۆرۆنا وەربگرن.