محمد لادێ – ههولێر
بنی زەریا، بوونەوەرێکی بچووکی لێ هەیە کە یاساکانی سروشتی شکاندووە. ئەم ماسییە مەرجانییە (Jellyfish) کە بە “نەمر” ناسراوە، کاتێک پیر دەبێت یان بریندار دەکەوێت، جەستەی خۆی تێک دەدات و دووبارە لە سفرەوە دروست دەبێتەوە.
ئەم پرۆسەیە وەک ئەوە وایە مرۆڤێک بگاتە تەمەنی ٨٠ ساڵان و لەبری مردن، دوگمەیەک دابگرێت و بگەڕێتەوە بۆ تەمەنی پێنج ساڵان! زاناکان دەڵێن ئەم ماسییە دەتوانێت ئەم کارە بێئەژمار جار دووبارە بکاتەوە، واتە لە ڕووی بایۆلۆژییەوە نامرێت. ئێستا پزیشکەکان خەریکی لێکۆڵینەوەن لە “جیناتەکانی” ئەم ماسییە، بەو هیوایەی لە داهاتوودا بتوانن هەمان تەکنیک بۆ نوێکردنەوەی خانەکانی مرۆڤ و چارەسەرکردنی نەخۆشییەکان بەکاری بهێنن.