پارساڵ دەرفەتێکی زۆر باشم بۆ ڕەخسا بۆ بەشداریکردن لە خولی پرۆگرامی سەرکردایەتیی جیهانی ٢٠٢٤ کە لە ١٥ تا ٢٣ی تشرینی یەکەمی ٢٠٢٤ بەڕێوە چوو، کە ئامانج لێی نوێنەرانی ناوخۆیی ئۆفیسەکانی کۆیکا بوو لە سەرانسەری جیهان.
لە ڕێگەی شێوازە جۆراوجۆرەکانی هاوکاری کۆیکا، وەک پرۆگرامی بنیاتنانی توانا ((CIAT بەرپرسانی گشتی دەرفەتیان پێ دەدرێت کە ئامرازەکانی پەرەپێدانی کۆریا فێر بن بۆ ئەوەی بتوانن لە وڵاتەکانی خۆیاندا بیخەنە بواری جێبەجێکردنەوە بۆ دروستکردنی سەرکردە و پەیوەندی دۆستانە لە نێوان وڵاتان. بە هەمان شێوە جارجارە ستافی ناوخۆیی لە ئۆفیسە جیهانییەکان دەرفەتی بەشداریکردنیان لە خولەکانی ڕاهێنان لە کۆریادا بۆ دەڕەخسێنرێت. لەو چوارچێوەیەدا 24 کەس لە وڵاتانی جیاواز (ڤێتنام، سریلانکا، نیپاڵ، میانمار، لائۆس، ئوزبەکستان، تیمۆری ڕۆژهەڵات، پاکستان، ڕواندا، ئەسیوپیا، ئۆگاندا، کینیا، تانزانیا، عێراق (هەولێر)، عێراق، مۆزەمبیق، ئازەربایجان، فەلەستین، جەزائیر، پاراگوای، پیرۆ، کۆماری دۆمینیکان و مەغریب) بەشداریان لە بەرنامەیەکی فێرکاریدا کرد کە لەلایەن بەشی سەرچاوە مرۆییەکانی بارەگای کۆیکا ڕێکخرابوو بۆ ڕاهێنانی ستافی ناوخۆیی بۆ ئاڵوگۆڕی ئامراز و زانیاری لە کۆریا و لە ئۆفیسە جیاوازەکانەوە لە سەرانسەری جیهان. هەروەها فەزایێک بوو بۆ فێربوون لە یەکتر و هاوبەشکردنی ئەزموونەکان بۆ جێبەجێکردنیان لە ئۆفیسەکانماندا و بەم شێوەیە داهاتوویەکی باشتر بۆ وڵاتەکانمان بەرەوپێش ببەین. کارەکانم لەناو کۆیکا ڕێگەی پێدام کە زۆر کەس بناسم، زۆر شت فێر بم و لە سەرووی هەمووشیانەوە بەشێک بم لەو بەشدارییەی کە حکومەتی کۆریا لە ڕێگەی کۆیکا لە ٤٨ ئۆفیس لە جیهاندا دەیکات لەگەڵ ئەو ئەرکەی کە تایبەتمەندی ئێمەیە: “بەشداریکردن لە خۆشگوزەرانی هاوبەشی مرۆڤایەتیدا.” و پێشخستنی ئاشتی جیهانی لە ڕێگەی هاوکاری گەشەپێدانی هاوبەش و گشتگیرەوە”.
سوپاسی کۆیکا دەکەم کە ڕێگەی پێدام زیاتر بزانم دەربارەی ئەو کارە گرنگانەی کە لە وڵاتانی هاوبەشدا ئەنجامی دەدات کە پەرە بە گەشەپێدان دەدەن بۆ ناسینی وڵاتە باوەڕپێنەکراوەکەی، کولتوور، خواردن، تەکنەلۆژیا، بەڵام لە سەرووی هەمووشیانەوە گەرمای مرۆیی، زانیاری و پەیوەندییە بەنرخەکانی ئەم خێزانە گەورەیە کە لە دڵمدا گەشە دەکات.
سوپاس بۆ کۆیکا!
موزەفەر یوسف