لە ساڵی داهاتووەوە، پلاتفۆرمی واتسئەپ لەسەر سێ مۆدێلی مۆبایلی جۆری “ئایفۆن” کار ناکات.
کۆمپانیای مێتا لە ڕاگەیەندراوێکدا ئەوەی خستە ڕوو، لە سەرەتای ساڵی داهاتووەوە (2025) پلاتفۆرمی واتسئەپ لەسەر هەر سێ مۆبایلی (ئایفۆن 5s، ئایفۆن 6 و ئایفۆن 6s) کە زیاتر لە 10 ساڵە کەوتوونەتە بازاڕەوە، کار ناکات و بەکارهێنەرانیان ناتوانن ئەپدەیتی نوێی ئەپەکە بەکار بهێنن.
کۆمپانیاکە، لەم دواییانەدا ئەو بەکارهێنەرانەی ئاگادار کردووەتەوە کە وەشانی کۆنتری سیستەمی “ئای ئۆ ئێس” بەکار دەهێنن، پێویستییان بە نوێکردنەوەی مۆبایلەکانیان دەبێت، ئەگەر نا، ناتوانن پلاتفۆرمی واتسئەپ لەسەر مۆبایلەکانیان بەکار بهێنن.
مێتا، هۆی ڕاگرتنەکەی بۆ دابینکردنی سیستمێکی باشتری بەرگریی لە هێرشی ئەلیکترۆنی (سایبەر سکیوریتی) بۆ پلاتفۆرمی واتسئەپ گەڕاندووەتەوە، تاوەکوو دوور بێت لە هاککردن.
لەلایەکی دیکەوە، واتسئەپ ئاشکرای کردووە “لە 05-05-2025 گۆڕانێک لە ئاپەکەدا دەکات، کە چیتر پشتگیریی لە ئەپدەیتی کۆنی iOS 15.1 ناکات.