دلڤین شەمال
ب هەلکەفتا ڕۆژا جیهانیا خێزانێ جوانترین پیڕۆزباهیێن خوە ئاراستەی تەڤ خێزانێن جیهانێ و ب تایبەت خێزانێن کورد دکەم.
خێزان پارچەیەکا مەزنە ژ رووناهیا هەرتاکە کەسەکی ئەو روناهیا بوو هەر سەرکەفتنەکا مرۆڤی دژیانێدا دەست خوڤە دیئینیت ؛ پێکهاتەیاکا سەرەکی ژبوو دروستبوونا میللەتان و پشت و پەنایی هەر ئەندامەکێ خێزانێ کو ڕادبیت ب ئەرکێ خوە سەرەکی تەمامکرنا کارێ پیڕۆزێ خێزانێ.
نەتەویێن یەکگرتی رۆژا 15/5ی وەك رۆژا جیهانیا خێزانێ دەستنیشان کریە، ئەڤ بڕیارە ل ساڵا 1993 هاتیە دەرئێخستن و ساڵا 1994 بۆ جارا ئێکێ هاتیە ساخکرن، ئەڤەژی بوی هندێ تاكێن كۆمەڵگەهێ ب گشتی ل گرنگی و بها و پێگەهێ خێزان تێبگەهن.
پسپۆڕێن بوارێ پەروەردەی دێ بێژن ل هەر كۆمەڵگەهەکێدا خێزان پێگەهو رۆڵێ خۆە ژ دەست بدات، كۆمەڵگەهژی ئارامی و سەقامگیریێ خوە ژدەست ددەتن؛ لەوما دڤێت هەمی ئەو بەهایێن تەندروستی دناڤدا هەبن کو کوڕ و کچ لسەر دهێن پەروەردە کرن، داکو کۆمەڵگەهە ژلایێ وانڤە بهێزتر و پێشکەڤتی تر بێت؛ جوانتر نییە دایک و باب دگەل زاڕۆکێن خوە پەیوەندیەکا مکوم دروست بکەن و گیانێ هاریکارێ و ڤیانێ و ڕاستگۆیێ کو ژ گوهدارکرنا زارۆکان ژبۆ دایک و باب دیاربن کو زاڕۆکێن خوە ب شێوازێکی دروست پەروەردە بکەن و ببن سەرکردێن داهاتی گەل و وەلاتێ خوە.
مەرەم ژ دیارکرنا ڤێ رۆژێ ڕۆشنایێ بێختە سەر گرنگیا پەیوەندیا خێزانی و ڕۆڵێ وانا د پەرەپێدان و گەشەپێدانا کەسایەتی و بنیاتنانا ڕێسایێن رەوشت و بەهاکان، بۆ تاکی پێکئینانا خێزانێ پێدڤیەکا حەتمی یە، ژیانا کۆمەڵایەتی سەرچاوەیا کلتور و داب و نەرێتانە کو گەشەساندنا کۆمەڵایەتی لسەر ئاڤاکریە.
دڤێت تاکێن جڤاکی خێزاناخوە بپارێزیت د هەمبەر ئاریشێن ژیانێ، ب تایبەت ئەو ئاریشێن دبنە ئەگەرێ تێکچوونا پەیوەندیێن خێزانی ب گەنگەش کرنێ هەولا چاراسەرکرنا ئاریشان بدەن، چ دار نینە کرم لسەر نەبیت لێ یا دروست ئەوە چەوا دێ دارا خوە ل کرمێ رزگار کەی ؛ لەوما یا فەرە ئەم هەمی کار لسەر دووبارە رێکخستنا خێزانێ بکەین و هەمی کاودانێت سەختێن ژیانێ دەربازبکەین و ژبوو درووستبوونا خێزانەکا بەختەوەر.