ب بۆرینا ده‌می، ئافرەتان ژی سه‌لماند كو ژ هه‌ژی پشكداریكرن و گه‌شه‌پێدانا جڤاكی نه و ئه‌ڤ چه‌نده‌ژی ڤه‌دگه‌ریته‌ڤه بۆ وان سه‌ركه‌فتنێن ئافرەتان دبیاڤێن جودا جودا یێن كاری دا بده‌ستڤه‌ئینان، د ڤێ راپۆرتێ دا جڤاكناك و چالاكڤان و پارێزه‌ره‌ك ئاماژه ب رۆلێ ئافره‌تێ د گه‌شه‌پێدانا جڤاكی دا دكه‌ن.
ژیمان لوقمان وه‌كو جڤاكناسه‌ك ئاماژه ب وێ یه‌كێ دكه‌ت: ئافرەت وەك کەسەکا ئاڤاکەر و داهێنەر دجڤاکی دا خۆیا دبیت و رۆلەکێ بەرچاڤ هەیە د گه‌شه‌پێدانا جڤاكی دا، ئافرەت دشێت ببیتە ژنەکا داهێنەر و ئافراندەر، دشێت خێزانەکا ئاسودە و بەختەوەر پاشی جڤاکەکێ ساخلەم و بەرهەمدار پەیدا بکەت، لەورا ئافرەتێ رۆلەکێ بەرچاڤ هەیە د گه‌شه‌پێدانێ دا، هەروەسا ل دەمێ ئافرەتێ رۆل هەبیت و یا پێگەهشتی بیت دناڤەندێن دەستهەلاتێ دا، رۆلێ وێ د پروسا بریاردانێ دا دیار دبیت و وی ده‌می وەلات دگەهیتە ستاندەرەکێ ئەرێنی د گه‌له‌ك بیاڤان دا، ژن کارێگەریا ئەرێنی لسەر جڤاکی و پارتێن سیاسی و ژیانا هاولاتیان دروست دکەت و پشتەڤانیا بنەمایێن دیموکراسی و دژایەتیا گەندەلیێ دکەت.
ژیمان بەحس ل ئافرەتا کورد دکەت کو هەر ژ کەڤن دا خودان شیان و دەستهەلات بوویە و بەشداری دچەندین شورەشان دا کریە و بەردەوام ئافرەتا کورد خودان هێز و شیان بوویە و هەتا نوکە ژی شین تبلێن وان شێرە ژنان ماینە لسەر هەمی بوارێن ژیانێ دا و گوت : یا گرنگ ئەوە ئافرەت بشێت بشێوەکێ ئازاد و بێ ترس دەربرینێ ژ هەمی هزر و بیرو بوچوونێن خوه بکەت دگەنگەشێ دا.
ماموستا و نڤیسەر و چالاكڤان سولین حه‌سه‌ن بەحس ل رۆلێ ئافرەتێ دکەت و دبێژیت: شیانێن ئافرەتێ ژی ل رێزا شیانێن زەلامی نه بۆ گەلەك کاران و هەتا ئافرەت دهندەك کاران دا زیرەکترە ژ زەلامی و شیانێن وێ پترن ژبەر کو هزر د هەر تشتەکی دا دکەت و ژن بریارێ ددەت، لەورا ئافرەت گرنگیا خوه‌یا هەیی دگەنگەشەیان دا و ب تایبەتی د گه‌شه‌پێدانا جڤاكی دا چونکی ئافرەت د وان قوناغان دا دشێت ببوریت ژبەر کو دبیتە خێزاندار و دەیك و کابانیا مالەکێ و مالەکێ برێڤە دبەت کو ژلایەنێ ئابووری و جڤاکی و گەلەك لایەنێن دی یێن خێزانێ، لەورا دبینم یا گرنگە ئافرەت رۆلێ سەرەکی هەبیت دگەنگەشێن کومەلایەتی دا. سولین دبێژیت : ب دیتنا من ئافرەتێ گەلەك رۆلێ خوه هەیە و دشێت گه‌شه‌یێ ب جڤاكی بكه‌ت، شیانێن ئافرەتێ ئەون دشێت هاوسەنگیێ بێخیتە دناڤبەرا هەردوو لایەنان دا.
ژ ئالیێ خوه‌ڤه پارێزەر سولاڤ نایف دیاركر ئافرەتێ شیانێن باش هەنە بو دانوستاندنان ل دۆر بابه‌تان و گەلەك بەرێخودان هەنە و هزرمەندە، یا گرنگە ئافرەتێ بوچوونا خوه هەبیت و خودان بریار بیت ژبەر کو ژ کەڤندا دا ئافرەتا کورد یا ب هزر و بیرێن خوه یا شاهرەزایە ددانا هەر بریارەکێ دا، د هەر گەنگەشەکێ دا دڤێت بریارا ئافرەتێ بەرچاڤ بهێتە وەرگرتن، د بەرێ دا ژبەر عادات و تەقالیدان ژن نە دوێریا باخڤیت و نە خودان بریار بوو هەما بریار بریارا مەزنان و زەلامان بوو، پشتی بۆرینا چه‌ندین سالان و دەمی و دەرێخستنا یاسایان ل دادگەهێ و دەستهەلاتێ رۆل دا ئافرەتێ و مافێ ئافرەتێ هاتە بجهئینان ئێدی هێز بو وێ چێ بوو و ب وێرەکانە بەرامبەر هەر کەسەکی د راوەستیا و هێز و شیانێن خوه دیاركرن و ئێدی بۆ خودان بریار و نوكه ئافرەت یا ل جهێن بلند د دەسهەلاتی دا و حوکمەتێ رۆلەکێ باش دا ئافرەتێ کو درێڤەبرنێ دا و پێگه‌هه‌كێ باش هه‌یه د ناڤا پارتێن سیاسی دا .